نۇر-سۇلتان قالالىق پوليتسييا دەپارتامەنتٸنٸڭ ەكٸمشٸلٸك پراكتيكا بٶلٸمٸنٸڭ اعا ينسپەكتورى ەلدور رايىمبەكوۆ ەلورداداعى جول-كٶلٸك وقيعالارى جيٸ تٸركەلەتٸن كٶشەلەردٸ اتادى, دەپ حابارلايدى "ۇلت اقپارات".
«ەلبەتتە, قالا كٶشەلەرٸ بويىنشا ەردايىم تالداۋ جۇمىستارى جٷرگٸزٸلٸپ تۇرادى. جول-كٶلٸك وقيعالارى كٶبٸرەك تٸركەلەتٸن اۋماقتار بار. مەسەلەن, تەۋەلسٸزدٸك پەن پۋشكين كٶشەلەرٸنٸڭ قيىلىسىندا اۆتوكٶلٸكتەر كٶبٸنەسە سولعا بۇرىلعان كەزدە قارسى كەلە جاتقان كٶلٸكتٸ جٸبەرمەي جاتادى. وسىنىڭ سالدارىنان بەتپە-بەت سوقتىعىسادى. باۋىرجان مومىشۇلى كٶشەسٸ مەن تەۋەلسٸزدٸك كٶشەلەرٸنٸڭ, ابىلاي حان مەن مومىشۇلى كٶشەلەرٸنٸڭ قيىلىسىندا دا سونداي جاعداي. ەسٸرەسە, ٷلكەن كٶشەلەردٸڭ قيىلىسىندا جول-كٶلٸك وقيعالارى جيٸرەك تٸركەلەدٸ», - دەدٸ ەلدور رايىمبەكوۆ.
ونىڭ ايتۋىنشا, ٷلكەن كٶشەلەردٸڭ قيىلىسىندا باعدارشامنىڭ قيىلىسىندا قىزىل شامى جانعاننان كەيٸن ستوپ سىزىققا توقتاۋى تيٸس. الايدا جٷرگٸزۋشٸلەر كەيدە اسىعىپ, جول-كٶلٸك وقيعالارىنا ۇشىراپ جاتادى.
«قىستا كٶلٸكتەر ٶزارا قاشىقتىقتى ساقتاي بەرمەيدٸ. جول-كٶلٸك وقيعالارىنان زارداپ شەككەندەر اۋرۋحاناعا جەتكٸزٸلسە, بٸزگە, ياعني «102» نٶمٸرٸنە بٸردەن حابارلاما كەلٸپ تٷسەدٸ. وسىدان كەيٸن كەزەكشٸ بٶلٸمدەر زارداپ شەگۋشٸدەن جاۋاپ الىپ, ماتەريالداردى ٸسكە تٸركەپ, ەكٸمشٸلٸك سوتقا جولدايدى», - دەدٸ ول.
