Jeksenbi, 31 qańtar kún elordanyń Bas memlekettik sanitarlyq dárigeriniń qaýlysyna sáikes, qalada jáne qala mańyna qatynaityn avtobýstardyń qozǵalysy toqtaidy, – dep habarlaidy «Ult aqparat».
Nur-Sultan ákimdiginen málim etkendei, bul kúni dezinfektsiialyq jumystar júrgiziledi. Dúisenbide barlyq baǵdarlar shtattyq rejimde qatynai bastaidy.
Aita keteiik, karantin talaptarynyń kúsheitilýine bailanysty avtobýstarǵa betperdesiz kirýge tyiym salynǵan. Jol aqysy qolma-qol aqshasyz tólenedi.
Elorda statsionarlarynda koronavirýsqa shaldyqqandar sanynyń artýyna bailanysty meditsina qyzmetkerleri turǵyndarǵa úndeý jasap, sanitarlyq normalardy saqtaý qajettigin eske salǵan bolatyn.
Sondai-aq qalanyń Bas memlekettik sanitarlyq dárigeriniń qaýlysy boiynsha, elordada uiymdar men kásiporyndar qyzmetkerleriniń keminde 80% qashyqtan jumys isteýge kóshirildi. Qoǵamdyq kóliktiń kestesi jumys jáne senbi kúnderi saǵat 06:00-den 23:00-ge deiin belgilendi, jeksenbi kúnderi jumysy toqtaidy.
Budan bólek, saýda, oiyn-saýyq ortalyqtarynyń, saýda úileriniń, saýda ortalyqtarynyń qyzmetine demalys kúnderi tyiym salynǵan (olarda ornalasqan dárihanalar jáne tamaq ónimderi men birinshi qajettiliktegi zattardy satatyn shaǵyn marketterdi, sýpermarketterdi jáne gipermarketterdi qospaǵanda).
Ótken bir táýlikte Nur-Sultanda koronavirýstyń jańadan 125 jaǵdaiy anyqtaldy.
