Elordada jedel járdemge qosymsha ótinim berý arnasy iske qosyldy, dep habarlaidy "Ult aqparat".
«Jedel járdem koll-ortalyǵyna bailanys júktemesiniń joǵarylaýyn eskere otyryp, qosymsha ótinim berý arnasy iske qosyldy - bul bot @ns103bot. Botty paidalanyp, jedel járdem shaqyrta alasyz. Bottyń barlyq suraqtaryna jaýap bere otyryp, ózińizdiń JSN, sonymen birge turǵylyqty mekenjaiyńyzdy kórsete otyryp, sizdiń ótinishińiz qabyldaý bóliminiń dispetcherine jiberiledi», - dep jazdy elorda ákiminiń orynbasary Malika Bekturova óziniń Telegram arnasynda.
Ári qarai qońyraý shuǵyldyq sanaty boiynsha Qazaqstan Respýblikasy Densaýlyq saqtaý ministrliginiń № 450 buiryǵyna sáikes anyqtalady.
«Jedeldik sanatyn taǵaiyndaǵannan keiin, ótinim dispetcherdiń shaqyrý kezegine túsedi, ol osy shaqyrýǵa brigadany taǵaiyndaidy. Jalǵan málimetter bolǵan jaǵdaida ótinim qabyldanbaidy.
