Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qisyqova jedel járdem qyzmetine qatysty málimetterdi aitty, dep habarlaidy "Ult aqparat".
«Elordada jedel járdem qyzmetine júkteme artty. Aptasyna turǵyndardan 28 myń ótinish kelip túsken. Sońǵy táýlikte bul kórsetkish 4,5 myńǵa deiin jetti. Qyzmet kórsetilgen shyqyrýlardyń sany 18 myńǵa jýyqtap, keshe 2,8 myń boldy. Sonyń ishinde aptasyna koronavirýs indetine bailanysty 4 438 qońyraý shalyndy. Keshe 1300 shaqyrtý boldy», - dedi S. Qisyqova Ortalyq kommýnikatsiialar qyzmetinde.
Onyń sózine qaraǵanda, jedel járdem bazasynda aýmaqtyq emhanalardyń orta meditsinalyq qyzmetkerleriniń bailanys ortalyǵy uiymdastyryldy. Onda kún saiyn orta eseppen 500-ge deiin qońyraý shalynady. Negizinen suraqtar koronavirýs infektsiiasyna qatysty.
«Sonymen qatar, alǵashqy meditsinalyq sanitarlyq kómek uiymdarynda, aýmaqtyq emhanalarda qosymsha jáne jańa jedel járdem toptaryn qurý týraly sheshim qabyldandy. Jalpy, jedel járdem telefon qońyraýlaryna qyzmet kórsetý úshin kún saiyn shamamen 150-ge jýyq jedel járdem brigadasy jumys istep jatyr», - dedi S. Qisyqova.
