Qazaqstannyń bas memlekettik sanitar dárigeri Aijan Esmaǵambetova elordada jastar arasynda koronavirýs juqtyrýdyń birqatar oqiǵasyna qatysty tekserý júrip jatqanyn aitty, dep habarlaidy QazAqparat.
Baspasóz máslihatynda sońǵy kúnderi elordada men Almatyda jastar arasynda koronavirýs infektsiiasyn juqtyrý oqiǵalaryna qatysty saýal qoiyldy.
«Almaty boiynsha toqtalsaq, olar patrýldik is-sharalarmen ainalysqandar. Shynymen de olardyń arasynda indetke shaldyǵý anyqtaldy. Barsha kontingent tiisti testileýden ótedi. Naqty málimet alý úshin barlyǵyn tekserýden ótkizemiz», - dedi Aijan Esmaǵambetova onlain rejimde ótken baspasóz máslihatynda.
Sonymen qatar ol elordada jaǵdaiǵa bailanysty tiisti tekserý júrip jatqanyn atap ótti.
«Nur-Sultan qalasyndaǵy jaǵdaiǵa qatysty epidemiologiialyq tekserý júrgizilip jatyr. Onyń nátijesi boiynsha atalǵan adamdardyń indetke shaldyǵýynyń naqty sebebi belgili bolady. Osydan keiin tolyq aqparat beriledi», - dedi Qazaqstannyń bas memlekettik sanitar dárigeri.
Budan buryn habarlanǵandai, Aijan Esmaǵambetova mamyrdyń sońynda elimizde koronavirýs juqtyrǵandar sany 5,3 myńǵa jetýi múmkin ekenin aitty.
