قازاقستاننىڭ باس مەملەكەتتٸك سانيتار دەرٸگەرٸ ايجان ەسماعامبەتوۆا ەلوردادا جاستار اراسىندا كوروناۆيرۋس جۇقتىرۋدىڭ بٸرقاتار وقيعاسىنا قاتىستى تەكسەرۋ جٷرٸپ جاتقانىن ايتتى, دەپ حابارلايدى قازاقپارات.
باسپاسٶز مەسليحاتىندا سوڭعى كٷندەرٸ ەلوردادا مەن الماتىدا جاستار اراسىندا كوروناۆيرۋس ينفەكتسيياسىن جۇقتىرۋ وقيعالارىنا قاتىستى ساۋال قويىلدى.
«الماتى بويىنشا توقتالساق, ولار پاترۋلدٸك ٸس-شارالارمەن اينالىسقاندار. شىنىمەن دە ولاردىڭ اراسىندا ٸندەتكە شالدىعۋ انىقتالدى. بارشا كونتينگەنت تيٸستٸ تەستٸلەۋدەن ٶتەدٸ. ناقتى مەلٸمەت الۋ ٷشٸن بارلىعىن تەكسەرۋدەن ٶتكٸزەمٸز», - دەدٸ ايجان ەسماعامبەتوۆا ونلاين رەجيمدە ٶتكەن باسپاسٶز مەسليحاتىندا.
سونىمەن قاتار ول ەلوردادا جاعدايعا بايلانىستى تيٸستٸ تەكسەرۋ جٷرٸپ جاتقانىن اتاپ ٶتتٸ.
«نۇر-سۇلتان قالاسىنداعى جاعدايعا قاتىستى ەپيدەميولوگييالىق تەكسەرۋ جٷرگٸزٸلٸپ جاتىر. ونىڭ نەتيجەسٸ بويىنشا اتالعان ادامداردىڭ ٸندەتكە شالدىعۋىنىڭ ناقتى سەبەبٸ بەلگٸلٸ بولادى. وسىدان كەيٸن تولىق اقپارات بەرٸلەدٸ», - دەدٸ قازاقستاننىڭ باس مەملەكەتتٸك سانيتار دەرٸگەرٸ.
بۇدان بۇرىن حابارلانعانداي, ايجان ەسماعامبەتوۆا مامىردىڭ سوڭىندا ەلٸمٸزدە كوروناۆيرۋس جۇقتىرعاندار سانى 5,3 مىڭعا جەتۋٸ مٷمكٸن ەكەنٸن ايتتى.
