Ulttyq ulannyń 6636 áskeri bóliminde jas jaýyngerler saltanatty túrde áskeri ant qabyldady. Elordada oryn tepken áskeri bólimniń qataryn biyl 118 jas sarbaz tolyqtyrdy, dep habarlaidy "Ult aqparat" QR Ulttyq ulanynyńbaspasóz qyzmetine silteme jasap.
Bul shara sanitarlyq talaptardy qatań saqtaýmen ótkizildi. Ata-analar úshin áleýmettik jeli arqyly arnaiy onlain kórsetilim uiymdastyryldy.
Aldymen elimizdiń Ánurany shyrqalyp, 6636 áskeri bóliminiń komandiri podpolkovnik Dmitrii Basterdiń buiryǵymen ortaǵa áskeri bólimniń jaýyngerlik Týy shyǵaryldy. Budan soń áskeri bólim komandiri jaýyngerlerge Áskeri anttyń mańyzdylyǵy týraly aityp, aqjoltai tiledi.
Áskeri ant qabyldaǵan jaýyngerlerdiń biri Almaty oblysy Talǵar aýdanynan shaqyrylǵan qatardaǵy Rústem Rahymjan.
«Men táýelsizdiktiń 30 jyldyq mereitoiy jyly áskerge kelip, búgin Otan aldyndaǵy boryshymdy adal atqarýǵa áskeri ant bergenime qýanyshtymyn. Bas qalada qyzmet atqarý meniń armanym bolatyn. Otanyma adal qyzmet etip, táýelsizdiktiń batyl qorǵaýshysy bolatynyma senimim mol, - deidi jas sarbaz.
Atap ótken jón, saltanatty sharany jaýyngerlerdiń jaqyndary áleýmettik jeli arqyly tamashalap, izgi tilekterin bildire aldy. Endi áskeri ant qabyldaǵan sarbazdar Otanymyzdyń qorǵaýshysy atanyp, sarbazdar sapyn tolyqtyra tústi.
