ۇلتتىق ۇلاننىڭ 6636 ەسكەري بٶلٸمٸندە جاس جاۋىنگەرلەر سالتاناتتى تٷردە ەسكەري انت قابىلدادى. ەلوردادا ورىن تەپكەن ەسكەري بٶلٸمنٸڭ قاتارىن بيىل 118 جاس سارباز تولىقتىردى, دەپ حابارلايدى "ۇلت اقپارات" قر ۇلتتىق ۇلانىنىڭباسپاسٶز قىزمەتٸنە سٸلتەمە جاساپ.
بۇل شارا سانيتارلىق تالاپتاردى قاتاڭ ساقتاۋمەن ٶتكٸزٸلدٸ. اتا-انالار ٷشٸن ەلەۋمەتتٸك جەلٸ ارقىلى ارنايى ونلاين كٶرسەتٸلٸم ۇيىمداستىرىلدى.
الدىمەن ەلٸمٸزدٸڭ ەنۇرانى شىرقالىپ, 6636 ەسكەري بٶلٸمٸنٸڭ كومانديرٸ پودپولكوۆنيك دميتريي باستەردٸڭ بۇيرىعىمەن ورتاعا ەسكەري بٶلٸمنٸڭ جاۋىنگەرلٸك تۋى شىعارىلدى. بۇدان سوڭ ەسكەري بٶلٸم كومانديرٸ جاۋىنگەرلەرگە ەسكەري انتتىڭ ماڭىزدىلىعى تۋرالى ايتىپ, اقجولتاي تٸلەدٸ.
ەسكەري انت قابىلداعان جاۋىنگەرلەردٸڭ بٸرٸ الماتى وبلىسى تالعار اۋدانىنان شاقىرىلعان قاتارداعى رٷستەم راحىمجان.
«مەن تەۋەلسٸزدٸكتٸڭ 30 جىلدىق مەرەيتويى جىلى ەسكەرگە كەلٸپ, بٷگٸن وتان الدىنداعى بورىشىمدى ادال اتقارۋعا ەسكەري انت بەرگەنٸمە قۋانىشتىمىن. باس قالادا قىزمەت اتقارۋ مەنٸڭ ارمانىم بولاتىن. وتانىما ادال قىزمەت ەتٸپ, تەۋەلسٸزدٸكتٸڭ باتىل قورعاۋشىسى بولاتىنىما سەنٸمٸم مول, - دەيدٸ جاس سارباز.
اتاپ ٶتكەن جٶن, سالتاناتتى شارانى جاۋىنگەرلەردٸڭ جاقىندارى ەلەۋمەتتٸك جەلٸ ارقىلى تاماشالاپ, ٸزگٸ تٸلەكتەرٸن بٸلدٸرە الدى. ەندٸ ەسكەري انت قابىلداعان ساربازدار وتانىمىزدىڭ قورعاۋشىسى اتانىپ, ساربازدار ساپىن تولىقتىرا تٷستٸ.
