Nur-Sultan qalasynda eldegi buzaqylyq kezinde mert bolǵandardyń rýhyna arnaiy quran oqyldy, dep habarlaidy QazAqparat.
Tártipsizdiktiń qurbany bolǵan jandarǵa elordadaǵy «Áziret sultan» meshitinde quran baǵyshtaldy.
Sharaǵa Qazaqstan musylmandary dini basqarmasynyń tóraǵasy, bas múfti Naýryzbai qajy Taǵanuly men birneshe imam qatysty.
«Asa raqymdy, meiirimdi Allanyń atymen bastaimyn. Búgin - elimizde aza tutý kúni. Otan qorǵaý jolynda mert bolǵan jandardyń jatqan jeri jaily bolsyn. Olardyń artta qalǵan baýyrlary men jaqyndaryna Alla sabyr bersin. Ókinishke qarai, sońǵy kúnderi elimiz qiyn kúnderdi bastan keship jatyr. Qasietti quranda shyndyǵynda, árbir qiynshyqtan keiin jaqsylyq bolatyny týraly aitylǵan. Sondyqtan Alla bizge beibit kúnimizdi qaita buiyrtsyn», - dedi Naýryzbai qajy Taǵanuly, bas múfti.
Eske sala ketsek, eldegi tártipsizdik kezinde kúshtik qurylymdardyń 16 qyzmetkeri qaza tapty.
Aita keteiik, búgin - Qazaqstanda jalpyulttyq aza tutý kúni.
