نۇر-سۇلتان قالاسىندا ەلدەگٸ بۇزاقىلىق كەزٸندە مەرت بولعانداردىڭ رۋحىنا ارنايى قۇران وقىلدى, دەپ حابارلايدى قازاقپارات.
تەرتٸپسٸزدٸكتٸڭ قۇربانى بولعان جاندارعا ەلورداداعى «ەزٸرەت سۇلتان» مەشٸتٸندە قۇران باعىشتالدى.
شاراعا قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى مەن بٸرنەشە يمام قاتىستى.
«اسا راقىمدى, مەيٸرٸمدٸ اللانىڭ اتىمەن باستايمىن. بٷگٸن - ەلٸمٸزدە ازا تۇتۋ كٷنٸ. وتان قورعاۋ جولىندا مەرت بولعان جانداردىڭ جاتقان جەرٸ جايلى بولسىن. ولاردىڭ ارتتا قالعان باۋىرلارى مەن جاقىندارىنا اللا سابىر بەرسٸن. ٶكٸنٸشكە قاراي, سوڭعى كٷندەرٸ ەلٸمٸز قيىن كٷندەردٸ باستان كەشٸپ جاتىر. قاسيەتتٸ قۇراندا شىندىعىندا, ەربٸر قيىنشىقتان كەيٸن جاقسىلىق بولاتىنى تۋرالى ايتىلعان. سوندىقتان اللا بٸزگە بەيبٸت كٷنٸمٸزدٸ قايتا بۇيىرتسىن», - دەدٸ ناۋرىزباي قاجى تاعانۇلى, باس مٷفتي.
ەسكە سالا كەتسەك, ەلدەگٸ تەرتٸپسٸزدٸك كەزٸندە كٷشتٸك قۇرىلىمداردىڭ 16 قىزمەتكەرٸ قازا تاپتى.
ايتا كەتەيٸك, بٷگٸن - قازاقستاندا جالپىۇلتتىق ازا تۇتۋ كٷنٸ.
