Baiqońyrda bes kámeletke tolmaǵan balasyna qatygezdik kórsetti degen kúdikpen 40 jastaǵy áielge qatysty qylmystyq is qozǵaldy. Prokýratýra qylmystyq istiń zańdylyǵyn moiyndady, dep habarlaidy ult.kz NUR.KZ basylymyna silteme jasap.
Baiqońyr kesheni prokýratýrasynyń málimetinshe, áielge qatysty Resei Qylmystyq kodeksiniń 156-babynyń 1-bóligi boiynsha is qozǵalǵan. Bul bap kámeletke tolmaǵan balany tárbieleý jónindegi mindetterdi tiisinshe oryndamaýǵa qatysty.
Tergeý málimetinshe, 2026 jyldyń basynan beri kúdikti bes balasynyń densaýlyǵyna, rýhani jáne adamgershilik damýyna qamqorlyq jasaýǵa, bilim alýyn qamtamasyz etýge mindetti bolǵan. Alaida ol balalardy tárbieleý kezinde olarǵa qatygezdik kórsetken degen kúdikke ilindi.
Qazir qylmystyq is aiasynda oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr.
