Elorda politsiiasy jaldamaly páterge qatysty alaiaqtyq jasaǵan kúdiktini ustady, dep habarlaidy "Ult aqparat".
Polisia.kz portalynyń málimetinshe, politsiiaǵa elorda turǵyny júginip, jaldamaly pátermen bailanysty alaiaqtyq faktisin habarlaǵan. Tergeý amaldary barysynda politsiia qyzmetkerleri Nur-Sultan qalasyna taiaýda ǵana kelgen kúdiktigini - 27 jastaǵy Qyzylorda oblysynyń týmasyn ustady.
«Kúdikti páterdi birneshe kúnge jaldap, odan keiin ony zardap shegýshige 110 myń teńgege uzaqmerzimge jalǵa bergen. Qazirgi ýaqytta onyń jalpy somasy 400 myń teńgeden asatyn dál osyndai 5 fakti boiynsha páterdi úshinshi tulǵaǵa jalǵa berý alaiaqtyǵy dáleldenip jatyr. Ustalǵan kúdikti ýaqytsha oqshaýlaǵyshqa qamaldy, tergeý júrgizilýde. Onyń elorda aýmaǵynda jasalǵan dál osyndai qylmystarǵa qatysy tekserilýde», - delingen taratylǵan aqparatta.
