Nur-Sultanda 3 jyl ishinde 130 km velojol salynady, dep habarlaidy "Ult aqparat" qala ákiminiń baspasóz qyzmetine silteme jasap.
Biyl Nur-Sultanda 45 km velojol salynsa, 3 jyl ishinde 130 km velojol salý josparlanyp otyr. Ýaqyt óte kele elordanyń negizgi kósheleriniń barlyǵynda derlik velojol salynady. Bul elorda turǵyndary men qonaqtary arasynda velosportty damytýǵa múmkindik beredi.
Esterińizge sala keteiik, 2020 jylǵy 13 mamyrdan bastap Nur-Sultan qalasynda velosipedterdi jalǵa berý qyzmeti jumysyn bastaidy.
Paidalanýshylar úshin 50 velostansaǵa 200 velosiped qoiylady. Maýsym aiynda velosiped sany úsh ese kóbeiedi. Elorda turǵyndary men qala qonaqtaryna 155 stansada 700 velosiped qoljetimdi bolady. Bul qala turǵyndary úshin avtomobil men qoǵamdyq kólikke balama bolady.
Velosipedterdi júiede tirkeý rásimin ótkennen keiin ǵana jalǵa alýǵa bolady. Ol úshin www.velobike.kz saityna kirý qajet. Júiede 16 jastan asqan adamdar tirkele alady.
Abonementterdi 13 mamyrdan bastap City Transportation Systems kassalarynan satyp alýǵa bolady. Velosipedti jalǵa berý júiesi 24/7 rejiminde jumys isteidi.
