نۇر-سۇلتاندا 3 جىل ٸشٸندە 130 كم ۆەلوجول سالىنادى, دەپ حابارلايدى "ۇلت اقپارات" قالا ەكٸمٸنٸڭ باسپاسٶز قىزمەتٸنە سٸلتەمە جاساپ.
بيىل نۇر-سۇلتاندا 45 كم ۆەلوجول سالىنسا, 3 جىل ٸشٸندە 130 كم ۆەلوجول سالۋ جوسپارلانىپ وتىر. ۋاقىت ٶتە كەلە ەلوردانىڭ نەگٸزگٸ كٶشەلەرٸنٸڭ بارلىعىندا دەرلٸك ۆەلوجول سالىنادى. بۇل ەلوردا تۇرعىندارى مەن قوناقتارى اراسىندا ۆەلوسپورتتى دامىتۋعا مٷمكٸندٸك بەرەدٸ.
ەستەرٸڭٸزگە سالا كەتەيٸك, 2020 جىلعى 13 مامىردان باستاپ نۇر-سۇلتان قالاسىندا ۆەلوسيپەدتەردٸ جالعا بەرۋ قىزمەتٸ جۇمىسىن باستايدى.
پايدالانۋشىلار ٷشٸن 50 ۆەلوستانساعا 200 ۆەلوسيپەد قويىلادى. ماۋسىم ايىندا ۆەلوسيپەد سانى ٷش ەسە كٶبەيەدٸ. ەلوردا تۇرعىندارى مەن قالا قوناقتارىنا 155 ستانسادا 700 ۆەلوسيپەد قولجەتٸمدٸ بولادى. بۇل قالا تۇرعىندارى ٷشٸن اۆتوموبيل مەن قوعامدىق كٶلٸككە بالاما بولادى.
ۆەلوسيپەدتەردٸ جٷيەدە تٸركەۋ رەسٸمٸن ٶتكەننەن كەيٸن عانا جالعا الۋعا بولادى. ول ٷشٸن www.velobike.kz سايتىنا كٸرۋ قاجەت. جٷيەدە 16 جاستان اسقان ادامدار تٸركەلە الادى.
ابونەمەنتتەردٸ 13 مامىردان باستاپ City Transportation Systems كاسسالارىنان ساتىپ الۋعا بولادى. ۆەلوسيپەدتٸ جالعا بەرۋ جٷيەسٸ 24/7 رەجيمٸندە جۇمىس ٸستەيدٸ.
