Elorda turǵyny úidiń podezinen quny 65 myń teńge turatyn velosipedti urlap ketken, dep habarlaidy "Ult aqparat" Nur-Sultan qalalyq Politsiia departamentiniń baspasóz qyzmetine silteme jasap.
«Tek biylǵy jyldyń shilde aiynyń ózinde Saryarqa aýdanynyń aýmaǵynda 16 velosiped urlaý faktisi tirkelgen. Bul osy qylmys túriniń aitarlyqtai artqanyn kórsetedi. Jyl basynan bergi statistikaǵa sáikes aýdan aýmaǵynda 91 velokólik urlyǵy jasalǵan. Jalpy alǵan politseiler 48 urlyqtyń betin ashty», - dep atap ótti Nur-Sultan qalalyq PD «Saryarqa» aýdanynyń Politsiia basqaramasy basshysynyń orynbasary Dýlat Jumaǵulov.
Jaqynda politseiler kezekti velosiped urysyn ustady. Belgisiz bireýdiń kúndizgi ýaqytta Kúmisbekova kóshesindegi turǵyn úi kesheninde quny 65 myń teńge bolatyn «Plato» markaly velosiped urlaǵany anyqtaldy. Er adam bir kúnge páter jaldap, ketip bara jatqan kezde baspaldaq alańynan symarqanmen bekitilmegen velosipedti kórip qalyp, ony urlap alyp ketken. Odan keiin ony ótip bara jatqan adamǵa 5000 teńgege satyp jibergen. Politseiler qylmys ornynan kúdiktini anyqtaýǵa múmkindik bergen beinejazbany aldy.
Politseiler azamattarǵa urlanǵan zatty satyp alǵany úshin QR QK 196-baby (Kórineý qylmystyq jolmen tabylǵan múlikti iemdený nemese ótkizý) boiynsha qylmystyq jaýapkershilik kózdelgenin eskertedi. Sanktsiia 20-dan 160 AEK-ke deiingi mólsherde aiyppul salýdy nemese 5 jylǵa deiingi merzimge bas bostandyǵynan aiyrýdy kózdeidi.
Politsiia qyzmetkerleri ustaǵan 39 jastaǵy kúdikti kinásin moiyndady. QR QK «Urlyq» baby boiynsha qylmystyq is qozǵaldy. Onyń osyǵan uqsas qylmystarǵa qatysy bar-joǵy anyqtalýda. Velosiped iesine qaitaryldy.
