ەلوردا تۇرعىنى ٷيدٸڭ پودەزٸنەن قۇنى 65 مىڭ تەڭگە تۇراتىن ۆەلوسيپەدتٸ ۇرلاپ كەتكەن, دەپ حابارلايدى "ۇلت اقپارات" نۇر-سۇلتان قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«تەك بيىلعى جىلدىڭ شٸلدە ايىنىڭ ٶزٸندە سارىارقا اۋدانىنىڭ اۋماعىندا 16 ۆەلوسيپەد ۇرلاۋ فاكتٸسٸ تٸركەلگەن. بۇل وسى قىلمىس تٷرٸنٸڭ ايتارلىقتاي ارتقانىن كٶرسەتەدٸ. جىل باسىنان بەرگٸ ستاتيستيكاعا سەيكەس اۋدان اۋماعىندا 91 ۆەلوكٶلٸك ۇرلىعى جاسالعان. جالپى العان پوليتسەيلەر 48 ۇرلىقتىڭ بەتٸن اشتى», - دەپ اتاپ ٶتتٸ نۇر-سۇلتان قالالىق پد «سارىارقا» اۋدانىنىڭ پوليتسييا باسقاراماسى باسشىسىنىڭ ورىنباسارى دۋلات جۇماعۇلوۆ.
جاقىندا پوليتسەيلەر كەزەكتٸ ۆەلوسيپەد ۇرىسىن ۇستادى. بەلگٸسٸز بٸرەۋدٸڭ كٷندٸزگٸ ۋاقىتتا كٷمٸسبەكوۆا كٶشەسٸندەگٸ تۇرعىن ٷي كەشەنٸندە قۇنى 65 مىڭ تەڭگە بولاتىن «پلاتو» ماركالى ۆەلوسيپەد ۇرلاعانى انىقتالدى. ەر ادام بٸر كٷنگە پەتەر جالداپ, كەتٸپ بارا جاتقان كەزدە باسپالداق الاڭىنان سىمارقانمەن بەكٸتٸلمەگەن ۆەلوسيپەدتٸ كٶرٸپ قالىپ, ونى ۇرلاپ الىپ كەتكەن. ودان كەيٸن ونى ٶتٸپ بارا جاتقان ادامعا 5000 تەڭگەگە ساتىپ جٸبەرگەن. پوليتسەيلەر قىلمىس ورنىنان كٷدٸكتٸنٸ انىقتاۋعا مٷمكٸندٸك بەرگەن بەينەجازبانى الدى.
پوليتسەيلەر ازاماتتارعا ۇرلانعان زاتتى ساتىپ العانى ٷشٸن قر قك 196-بابى (كٶرiنەۋ قىلمىستىق جولمەن تابىلعان مٷلiكتi يەمدەنۋ نەمەسە ٶتكٸزۋ) بويىنشا قىلمىستىق جاۋاپكەرشٸلٸك كٶزدەلگەنٸن ەسكەرتەدٸ. سانكتسييا 20-دان 160 اەك-كە دەيٸنگٸ مٶلشەردە ايىپپۇل سالۋدى نەمەسە 5 جىلعا دەيٸنگٸ مەرزٸمگە باس بوستاندىعىنان ايىرۋدى كٶزدەيدٸ.
پوليتسييا قىزمەتكەرلەرٸ ۇستاعان 39 جاستاعى كٷدٸكتٸ كٸنەسٸن مويىندادى. قر قك «ۇرلىق» بابى بويىنشا قىلمىستىق ٸس قوزعالدى. ونىڭ وسىعان ۇقساس قىلمىستارعا قاتىسى بار-جوعى انىقتالۋدا. ۆەلوسيپەد يەسٸنە قايتارىلدى.
