Elordada úsh balanyń ómirin qutqarǵan batyr marapattaldy, -dep habarlaidy "Ult Aqparat".
"Elordalyq TJD-da TJ ministriniń buiryǵyna sáikes órtte adam ómirin qutqarý kezinde kórsetken batyldyǵy men janqiiarlyǵy úshin «Órtte kórsetken qaisarlyǵy úshin» medalimen Alisher Iýsýpov marapattaldy", -delingen Tótenshe jaǵdailar ministrliginiń habarlamasynda.
Eske salaiyq, 20 shildede Alisher Iýsýpov Ýalihanov kóshesinde sýpermarketiniń aldynda balalardyń jylaǵan daýysyn estigen. Jaqyndap kelgende kólikten tútin shyǵyp jatqanyp baiqaǵan. Kólikke júgirip kelip, jedel ári erlik tanyta otyryp, kólik ishinen 2018, 2020 jáne 2022 jyly týǵan balalardy qutqaryp qalǵan.
Osylaisha onyń qorqynyshsyz, batyl jáne jedel áreketiniń arqasynda balalardyń ómiri qutqarylyp, bul is erlik pen adamgershiliktiń úlgisine ainaldy.
