Elordada turǵyn úi sertifikatynyń mólsheri 1,5 mln teńgege artty. Bul týraly qala turǵyndarymen esep berý kezdesýinde elorda ákimi Altai Kólginov aitty, dep habarlaidy "Ult aqparat".
Onyń aitýynsha, «Shańyraq» boiynsha turǵyn úi sertifikattaryn alýshylar sanatyn keńeitý kerek. Eger, buryn tizimge tek áleýmettik jaǵynan az qamtylǵan sanattaǵylardyń úsheýi ǵana kirse, endi oǵan barlyq toǵyz sanat ta kiretin boldy.
«Turǵyn úi máselesi – eń mańyzdy baǵyttyń biri. Turǵyn úi sertifikatyna qosa «Qazaqstandyq turǵyn úi kompaniiasy» AQ-men birlesip júzege asyryp jatqan baǵdarlamaǵa da ózgeris engizildi. Munda biz áleýmettik páter alýshylar sanatyn keńeittik. Bul áleýmettik páterlerdi tek meditsina qyzmetkerleri men muǵalimder ǵana emes, sonymen birge - órt sóndirýshiler, áleýmettik mamandar, mádeniet jáne sport qairatkerleri, Politsiia departamentiniń qyzmetkerleri de alýǵa múmkindikteri bar. Bul baǵdarlama boiynsha bastapqy jarna páter qunynyń 1 paiyzyn quraidy. Turǵyn úidi aldaǵy ýaqytta jekeshelendirip alýǵa bolady», - dedi Altai Kólginov.
Memleket basshysynyń tapsyrmasy boiynsha elordada qoljetimdi baspana kóleminiń qurylysy artty. Eger 2018 jyly 1 100, 2019 jyly 2 900, 2020 jyly 7 myńnan asa áleýmettik páter berilse, biyl bul san 10 myńǵa kóbeiedi. Munyń bir bóligi turǵyn úi kezeginde turǵandarǵa, taǵy bir bóligi - «Turǵyn úi qurylys jinaq banki» arqyly kezekte turǵandarǵa beriledi.
