Quramynda politsiia, ákimdik, Taýarlar men qyzmetterdiń sapasy men qaýipsizdigin baqylaý basqarmasynyń ókilderi bar mobildi top karantin rejimin saqtamaý faktisin anyqtaý úshin jumys istep jatyr, dep habarlaidy "Ult aqparat" Nur-Sultan qalalyq PD baspasóz qyzmetine silteme jasap.
Ótken túnde mobildi top 150-ge jýyq kásipkerlik sýbektilerindegi karantin sharalarynyń saqtalýyn tekserdi. Tekserý barysynda karantin talaptaryn buzǵan 14 nysan anyqtaldy.
Máselen, Túrkistan kóshesindegi «Opus One» restobary saǵat 20.00-den keiin jumys isteýge tyiym salynǵanyna qaramastan, jumysyn jalǵastyryp, klient qabyldaǵan.
Saǵat 00: 33-te Qabanbai batyr dańǵyly boiynda ornalasqan «Strong» kompiýter klýby karantin sharalary men áleýmettik qashyqty saqtamai, mekemege jelilik oiyndy oinaýdy unatatyn 70-ten astam klientti kirgizip, adamdardyń ómiri men densaýlyǵyna qaýip tóndirgen.
Barlyq tártip buzýshylarǵa qatysty jinalǵan material ákimshilik is qozǵaý úshin Taýarlar men qyzmetterdiń sapasy men qaýipsizdigin baqylaý basqarmasyna jiberildi.
