قۇرامىندا پوليتسييا, ەكٸمدٸك, تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسىنىڭ ٶكٸلدەرٸ بار موبيلدٸ توپ كارانتين رەجيمٸن ساقتاماۋ فاكتٸسٸن انىقتاۋ ٷشٸن جۇمىس ٸستەپ جاتىر, دەپ حابارلايدى "ۇلت اقپارات" نۇر-سۇلتان قالالىق پد باسپاسٶز قىزمەتٸنە سٸلتەمە جاساپ.
ٶتكەن تٷندە موبيلدٸ توپ 150-گە جۋىق كەسٸپكەرلٸك سۋبەكتٸلەرٸندەگٸ كارانتين شارالارىنىڭ ساقتالۋىن تەكسەردٸ. تەكسەرۋ بارىسىندا كارانتين تالاپتارىن بۇزعان 14 نىسان انىقتالدى.
مەسەلەن, تٷركٸستان كٶشەسٸندەگٸ «Opus One» رەستوبارى ساعات 20.00-دەن كەيٸن جۇمىس ٸستەۋگە تىيىم سالىنعانىنا قاراماستان, جۇمىسىن جالعاستىرىپ, كليەنت قابىلداعان.
ساعات 00: 33-تە قابانباي باتىر داڭعىلى بويىندا ورنالاسقان «Strong» كومپيۋتەر كلۋبى كارانتين شارالارى مەن ەلەۋمەتتٸك قاشىقتى ساقتاماي, مەكەمەگە جەلٸلٸك ويىندى ويناۋدى ۇناتاتىن 70-تەن استام كليەنتتٸ كٸرگٸزٸپ, ادامداردىڭ ٶمٸرٸ مەن دەنساۋلىعىنا قاۋٸپ تٶندٸرگەن.
بارلىق تەرتٸپ بۇزۋشىلارعا قاتىستى جينالعان ماتەريال ەكٸمشٸلٸك ٸس قوزعاۋ ٷشٸن تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارماسىنا جٸبەرٸلدٸ.
