Keshe keshkisin elordada jol talǵamaityn kólik boijetken qyzdy qaǵyp ketti, dep habarlaidy "Ult aqparat".
«19 jeltoqsanda «Toyota Land Cruiser 200» kóligin tizgindegen 53 jastaǵy júrgizýshi Imanov kóshesi jaqtan Áýezov kóshesine qarai kele jatyp, burylys kezinde baǵdarshamnyń ruqsat etilgen jasyl túsine ótip bara jatqan jaiaý júrginshini qaǵyp ketti. 19 jastaǵy elorda turǵyny alǵan jaraqatynan oqiǵa ornynda qaza tapty. Kýálandyrý nátijesinde júrgizýshiniń mas bolmaǵany anyqtalyp, qamaýǵa alyndy», - delingen Nur-Sultan qalalyq Politsiia departamenti taratqan aqparatta.
Vedomstvo málimetinshe, atalǵan fakti boiynsha sotqa deiingi tergeý amaldary júrgizilip jatyr.
Osy oraida Nur-Sultan qalalyq Politsiia departamenti kólik quraldary júrgizýshilerin joldardyń kóktaiǵaq bolýyna bailanysty qozǵalys kezinde barynsha saq bolýǵa, jyldamdyq rejimin saqtap, qaýipsiz araqashyqtyqty ustaýǵa jáne jaiaý júrginshiler jolaǵy aldynda barynsha abai bolýǵa shaqyryp otyr.
