El aýmaǵyndaǵy keibir óńirlerde aýa raiynyń jaisyzdyǵyna bailanysty tótenshe jaǵdailardyń aldyn alyp, shuǵyl sheshim qabyldaý maqsatynda Nur-Sultan qalasynda arnaiy respýblikalyq shtab quryldy, dep habarlaidy QazAqparat.
«Keshe 7 aqpan kúni aýa raiynyń kúrt ózgerýine bailanysty Tótenshe jaǵdailar ministrliginiń krizistik ortalyǵynda respýblikalyq shtab quryldy. Munda TJM mamandary, odan bólek QazAvtoJol, Qazgidromet jáne Qazaqavtodor uiymynyń qyzmetkerleri jumys isteýde. Respýblikalyq shtabqa ár saǵat saiyn barlyq óńirden aýa raiy men jol qozǵalysyna qatysty tyń aqparat kelip túsedi, al osy jerdegi mamandar sol aqparatqa súiene otyryp, elimizdiń qai aimaǵyndaǵy joldy ashý nemese jabý kerek degen sheshim qabyldaidy. Shtab táýligine 24 saǵat kezekshilik rejimmen jumys istep jatyr», - dedi QR Tótenshe jaǵdailar ministrliginiń resmi ókili Talǵat Ýáli elordada ótken baspasóz máslihatynda.
