Elorda turǵyny uialy telefonynyń joǵalyp ketkenin aityp, politsiiaǵa negizsiz aryz jazǵan, dep habarlaidy "Ult aqparat" qalalyq Politsiia departamentiniń baspasóz qyzmetine silteme jasap.
«Nur-Sultan qalasynyń «Saryarqa» aýdandyq poltsiiia basqarmasyna 24 jastaǵy boijetken shaǵymdanyp, qalaishilik avtobýstyń ishinde 89 myń teńgelik «Huawei P Smart» uialy telefonyn qaltasynan bireýdiń jymqyryp ketkenin aitqan. Istiń mán-jaiyn anyqtaý kezinde politseiler boijetkenniń sózinde shikilik baryn sezdi. Kúdiktini anyqtaý úshin politsiia qyzmetkerleri beinebaqylaý kamerasy arqyly jábirlenýshiniń ózi aitqan avtobýsqa otyrmaǵanyn bildi», - dep habarlaidy qalalyq Politsiia departamentinen.
Aqyry boijetken politsiiaǵa jalǵan aryz bergenin moiyndaǵan. Anyǵynda ol dostarymen qydyryp júrip, uialy telefonyn joǵaltyp alǵan kórinedi. «Aryz jazsań, tezirek taýyp beredi» degen dostarynyń aqylyn tyńdap, boijetken ótirik aryz jazýdy jón dep sheshken eken.
Endi aryz jazýǵa kelgen boijetkenniń ózi QR Qylmystyq kodeksiniń 419-baby (kórineý jalǵan sóz jetkizý) boiynsha qylmystyq jaýapqa tartylýda.
