ەلوردا تۇرعىنى ۇيالى تەلەفونىنىڭ جوعالىپ كەتكەنٸن ايتىپ, پوليتسيياعا نەگٸزسٸز ارىز جازعان, دەپ حابارلايدى "ۇلت اقپارات" قالالىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«نۇر-سۇلتان قالاسىنىڭ «سارىارقا» اۋداندىق پولتسيييا باسقارماسىنا 24 جاستاعى بويجەتكەن شاعىمدانىپ, قالاٸشٸلٸك اۆتوبۋستىڭ ٸشٸندە 89 مىڭ تەڭگەلٸك «Huawei P Smart» ۇيالى تەلەفونىن قالتاسىنان بٸرەۋدٸڭ جىمقىرىپ كەتكەنٸن ايتقان. ٸستٸڭ مەن-جايىن انىقتاۋ كەزٸندە پوليتسەيلەر بويجەتكەننٸڭ سٶزٸندە شيكٸلٸك بارىن سەزدٸ. كٷدٸكتٸنٸ انىقتاۋ ٷشٸن پوليتسييا قىزمەتكەرلەرٸ بەينەباقىلاۋ كامەراسى ارقىلى جەبٸرلەنۋشٸنٸڭ ٶزٸ ايتقان اۆتوبۋسقا وتىرماعانىن بٸلدٸ», - دەپ حابارلايدى قالالىق پوليتسييا دەپارتامەنتٸنەن.
اقىرى بويجەتكەن پوليتسيياعا جالعان ارىز بەرگەنٸن مويىنداعان. انىعىندا ول دوستارىمەن قىدىرىپ جٷرٸپ, ۇيالى تەلەفونىن جوعالتىپ العان كٶرٸنەدٸ. «ارىز جازساڭ, تەزٸرەك تاۋىپ بەرەدٸ» دەگەن دوستارىنىڭ اقىلىن تىڭداپ, بويجەتكەن ٶتٸرٸك ارىز جازۋدى جٶن دەپ شەشكەن ەكەن.
ەندٸ ارىز جازۋعا كەلگەن بويجەتكەننٸڭ ٶزٸ قر قىلمىستىق كودەكسٸنٸڭ 419-بابى (كٶرiنەۋ جالعان سٶز جەتكiزۋ) بويىنشا قىلمىستىق جاۋاپقا تارتىلۋدا.
