Elordada 1 naýryzdan bastap R. Qoshqarbaev dańǵyly boiynda Q. Amanjolov kóshesinen M. Tólebaev kóshesine deiin ornalasqan birqatar jergilikti ótpe joldyń ýchaskesinde birjaqty qozǵalysty engizý josparlanyp otyr. Bul týraly qalalyq politsiia departamenti baspasóz qyzmetinen málim boldy, dep habarlaidy "Ult aqparat".
«Atalǵan ýchaskelerde kólik qozǵalysynyń kúrdelenýine bailanysty kóptegen shaǵymdarmen turǵyndar ákimdikke ótinim jasaǵannan keiin osyndai sheshim qabyldandy», - delingen habarlamada.
Osy oraida bul ýchaskelerdiń jol-tehnikalyq jaǵdaiyna zertteý júrgizilip, birjaqty qozǵalys engizý týraly usynys qabyldandy.
Bul ózgerister joldaǵy kólik qozǵalysy jolaqtaryn tiimdi paidalanýǵa, qarańǵy kezde qozǵalystyń qaýipsizdigin arttyrý, kólik jelisine keri áser etip turǵan jaǵdailardy anyqtaýǵa múmkindik beredi.
