QR Aqparat jáne qoǵamdyq damý ministri Dáýren Abaev Nur-Sultanda sońǵy táýlikte 14 adamnyń koronavirýsty qaidan juqtyrǵanyn aityp berdi, dep habarlaidy "Ult aqparat".
«Sońǵy táýlikte elordada koronavirýs juqtyrǵan 14 adam tirkeldi. Onyń ishinde 9-y – karantinde statsionarda bolǵandar. Úsheýi buryn tirkelgen adamdarmen bailanysta bolǵandar. Bireýi – 25 naýryzda Nur-Sultandaǵy áýejaiǵa ushyp kelgen adam. Beseýi – statsionarda pnevmaniia kúdigimen ótkir JRVI-men jatqandar. Qalǵandary – koronavirýs boiynsha jaǵdai jaisyz elderden ushyp kelgenderdi qadaǵalaý barysynda anyqtaldy», - dedi ministr «Habar 24» arnasyndaǵy onlain rejimdegi baspasóz máslihatynda.
Olardyń bári qazirgi ýaqytta infektsiialyq statsionarǵa jatqyzylǵan. Sonymen qatar olarmen jaqyn bailanysty bolǵandardy oqshaýlaý jumystary júrgizilýde.
«Keiingi ýaqytta azamattardyń kóshege shyǵýyn tejeý boiynsha jiyrmaǵa tarta suraq kelip tústi. Bul suraq memlekettik komissiianyń qaraýynda. Komissiia otyrysy búgin ótedi. Nátijesin BAQ-qa jariialaimyz», - dedi ol.
