قر اقپارات جەنە قوعامدىق دامۋ مينيسترٸ دەۋرەن اباەۆ نۇر-سۇلتاندا سوڭعى تەۋلٸكتە 14 ادامنىڭ كوروناۆيرۋستى قايدان جۇقتىرعانىن ايتىپ بەردٸ, دەپ حابارلايدى "ۇلت اقپارات".
«سوڭعى تەۋلٸكتە ەلوردادا كوروناۆيرۋس جۇقتىرعان 14 ادام تٸركەلدٸ. ونىڭ ٸشٸندە 9-ى – كارانتيندە ستاتسيوناردا بولعاندار. ٷشەۋٸ بۇرىن تٸركەلگەن ادامدارمەن بايلانىستا بولعاندار. بٸرەۋٸ – 25 ناۋرىزدا نۇر-سۇلتانداعى ەۋەجايعا ۇشىپ كەلگەن ادام. بەسەۋٸ – ستاتسيوناردا پنەۆمانييا كٷدٸگٸمەن ٶتكٸر جرۆي-مەن جاتقاندار. قالعاندارى – كوروناۆيرۋس بويىنشا جاعداي جايسىز ەلدەردەن ۇشىپ كەلگەندەردٸ قاداعالاۋ بارىسىندا انىقتالدى», - دەدٸ مينيستر «حابار 24» ارناسىنداعى ونلاين رەجٸمدەگٸ باسپاسٶز مەسليحاتىندا.
ولاردىڭ بەرٸ قازٸرگٸ ۋاقىتتا ينفەكتسييالىق ستاتسيونارعا جاتقىزىلعان. سونىمەن قاتار ولارمەن جاقىن بايلانىستى بولعانداردى وقشاۋلاۋ جۇمىستارى جٷرگٸزٸلۋدە.
«كەيٸنگٸ ۋاقىتتا ازاماتتاردىڭ كٶشەگە شىعۋىن تەجەۋ بويىنشا جيىرماعا تارتا سۇراق كەلٸپ تٷستٸ. بۇل سۇراق مەملەكەتتٸك كوميسسييانىڭ قاراۋىندا. كوميسسييا وتىرىسى بٷگٸن ٶتەدٸ. نەتيجەسٸن باق-قا جارييالايمىز», - دەدٸ ول.
