Qazaqstannyń halyqaralyq qatynastar jónindegi keńesi tanymal saiasattanýshy Andrei Chebotarevtiń avtorlyǵymen «Qazaqstandaǵy reformalar: Nietten is-áreketke» dep atalatyn saraptamalyq baiandamany jaryqqa shyǵardy, dep habarlaidy QazAqparat.
«Baiandama prezidenttik reformalarǵa arnalǵan. Qasym-Jomart Toqaevtyń Prezident laýazymyndaǵy eki jyldyń ishinde reformalardyń barynsha aýqymdy toptamasy júzege asyryldy. Onyń ústine reformalar túrli salalardy qamtidy. Onyń reformalarynyń negizi «halyq únine qulaq asatyn memleket» tujyrymdamasy sanalady jáne ol biliktiń azamattarmen ózara qarym-qatynasynda múldem jańa negiz qalyptastyrdy. Protsesterdiń ishinde júrgende júrgizilip jatqan reformalardyń aýqymy men jyldamdyǵyn barlyq ýaqytta sezine alamyz. Bul baiandamada sarapshy kózqarasy turǵysynda prezidenttik reformalardy baiytyp, júieleýge tyrystym», - dedi Aleksei Chebotarev.
Zertteý jumysynda avtor júrgizilgen júieli reformalar hronologiiasy men kezeńderin usynyp, basty salalardaǵy prezidenttik bastamalarmen baiyta túsken. Sonymen qatar baiandamada elimizdiń is basyndaǵy basshylyǵynyń saiasi baǵdary turǵysynda Qazaqstanda oryn alǵan saiasi jáne áleýmettik-ekonomikalyq ózgeristerge shynaiy baǵa berýge umtylys baiqalady.
