قازاقستاننىڭ حالىقارالىق قاتىناستار جٶنٸندەگٸ كەڭەسٸ تانىمال ساياساتتانۋشى اندرەي چەبوتارەۆتٸڭ اۆتورلىعىمەن «قازاقستانداعى رەفورمالار: نيەتتەن ٸس-ەرەكەتكە» دەپ اتالاتىن ساراپتامالىق باياندامانى جارىققا شىعاردى, دەپ حابارلايدى قازاقپارات.
«بايانداما پرەزيدەنتتٸك رەفورمالارعا ارنالعان. قاسىم-جومارت توقاەۆتىڭ پرەزيدەنت لاۋازىمىنداعى ەكٸ جىلدىڭ ٸشٸندە رەفورمالاردىڭ بارىنشا اۋقىمدى توپتاماسى جٷزەگە اسىرىلدى. ونىڭ ٷستٸنە رەفورمالار تٷرلٸ سالالاردى قامتيدى. ونىڭ رەفورمالارىنىڭ نەگٸزٸ «حالىق ٷنٸنە قۇلاق اساتىن مەملەكەت» تۇجىرىمداماسى سانالادى جەنە ول بيلٸكتٸڭ ازاماتتارمەن ٶزارا قارىم-قاتىناسىندا مٷلدەم جاڭا نەگٸز قالىپتاستىردى. پروتسەستەردٸڭ ٸشٸندە جٷرگەندە جٷرگٸزٸلٸپ جاتقان رەفورمالاردىڭ اۋقىمى مەن جىلدامدىعىن بارلىق ۋاقىتتا سەزٸنە الامىز. بۇل باياندامادا ساراپشى كٶزقاراسى تۇرعىسىندا پرەزيدەنتتٸك رەفورمالاردى بايىتىپ, جٷيەلەۋگە تىرىستىم», - دەدٸ الەكسەي چەبوتارەۆ.
زەرتتەۋ جۇمىسىندا اۆتور جٷرگٸزٸلگەن جٷيەلٸ رەفورمالار حرونولوگيياسى مەن كەزەڭدەرٸن ۇسىنىپ, باستى سالالارداعى پرەزيدەنتتٸك باستامالارمەن بايىتا تٷسكەن. سونىمەن قاتار باياندامادا ەلٸمٸزدٸڭ ٸس باسىنداعى باسشىلىعىنىڭ ساياسي باعدارى تۇرعىسىندا قازاقستاندا ورىن العان ساياسي جەنە ەلەۋمەتتٸك-ەكونوميكالىق ٶزگەرٸستەرگە شىنايى باعا بەرۋگە ۇمتىلىس بايقالادى.
