Nur-Sultan qalasynyń Din isteri jónindegi basqarmasy Hristos Rojdestvosynda qudaiǵa qulshylyq etý qalai ótetini týraly aitty, dep habarlaidy "Ult aqparat".
Nur-Sultan qalasynyń Din isteri jónindegi basqarma basshysy Nurdáýlet Álmuhanovtyń aitýynsha, shirkeýge keletin adam sany ǵimarattyń jalpy paidaly aýdanynyń 30%-ynan aspaý kerek
«Pravoslav hristiandaryn Hristos Rojedestvosy merekesimen quttyqtaimyz! Sanitarlyq-epidemiologiialyq jaǵdaiǵa jáne memlekettik bas sanitarlyq dárigerdiń qaýlysyna bailanysty shirkeýge keletin adam sany ǵimarattyń jalpy paidaly aýdanynyń 30%-ynan aspaý kerek. Barlyq shirkeýde qaýipsizdik sharalary qatań saqtalady. Osyǵan bailanysty densaýlyǵy álsiz jáne 65 jastan joǵary egde jastaǵy adamdarǵa shirkeýge barmai tura turýǵa keńes beremiz», - deidi Nurdáýlet Álmuhanov.
Onyń aitýynsha, erteń barlyq dini rásim ádettegidei jasalady. Adamdar kóp jinalyp qalmasy úshin qulshylyq etý ýaqytyn saǵat 09:00, 10:00 jáne 12:00 ýaqytyna bólip qoidy.
Kesheden bastap din qyzmetkerleri shirkeýde, al erteńnen bastap shirkeýlerdiń esigi pravoslav hristiandary úshin ashyq bolady. Shirkeýde din qyzmetkerlerinen bólek, aýdandyq ákimdik, qalalyq ákimdik qyzmetkerleri, sanitarlyq dárigerler, politsiia qyzmetkerleri kezekshi bolady. Osynyń bárin Nur-Sultan qalasynyń Din isteri jónindegi basqarmasy rettep otyrady.
«Biz barlyq shirkeýdi aralap, qarap shyqtyq. Qalada úsh hram bar. Olardyń bárinde sanitarlyq talaptar saqtalǵan. Merekelik dini rásimder 7 qańtar kúni saǵat tańǵy 09:00-den bastap Ýspenskii Kafedraldy Soborynda, Konstantino-Eleninskii soborynda jáne Serafima Sarov hramynda ótedi. Shirkeýge kelýshilerge barlyq saqtyq sharalaryn saqtaý týraly eskertý aitylady. Kezekshi top ta shirkeýde sanitarlyq talaptardyń saqtalýyn qadaǵalaidy. Qajet bolǵan jaǵdaida maska taratylyp, sanitaizer usynylady», - deidi basqarma basshysy.
Ol shirkeýge bara almaityndar úshin dini rásimderdi elordadaǵy tiisti saittan jáne Instagram, You Tube, Facebook jelilerindegi resmi paraqshalarynan kóre alatyndyǵyn aitty.
