Elordalyq politseiler kúndiz úiler men baraktardy tonaǵan eki aǵaiyndyny ustady, dep habarlaidy "Ult aqparat" ElordaInfoǵa silteme jasap.
Urylar sońǵy joly Baiqońyr kóshesindegi úiden áieldiń qarakúzen ishigin urlaǵan. Esiktiń qulyptalmaǵanyn paidalanyp, olar úige kirip, quny 150 myń teńge turatyn ishikti alyp ketken, dep habarlaidy Nur-Sultan qalalyq Politsiia bóliminiń baspasóz qyzmeti.
Sotqa deiingi tergeý barysynda olar urlanǵan zatty lombardqa kepilge berip, ol jerden 20 myń teńge alyp shyqqany anyqtaldy. Sondai-aq, politsiia qyzmetkerleri urynyń úiinen basqa da urlanǵan zattardy tárkiledi.
Ustalǵan 47 jáne 40 jastaǵy aǵaiyndylar kinásyn moiyndady. Ekeýi de buryn sottalǵan. Aiǵaq zattar tárkilendi. Politseiler ustalǵan kúdiktilerdiń bes epizod boiynsha aiybyn dáleldedi.
Ustalǵandar ýaqytsha ustaý izoliatoryna qamaldy. Olardyń ústinen QR QK-niń «Urlyq» baby boiynsha sotqa deiingi tergeý júrgizilip jatyr.
Politsiia departamenti jyl basynan beri zań urlyq úshin jaýapkershilikti kúsheitkenin eske salady. Endi qylmystyń bul túri aýyr sanatqa aýysty. Aiyptynyń múlki tárkilenip, úsh jyldan jeti jylǵa deiin bas bostandyǵynan aiyrý jazasy qarastyrylǵan. Sondai-aq, mámilege kelý de alyp tastalǵan.
