ەلوردالىق پوليتسەيلەر كٷندٸز ٷيلەر مەن باراكتاردى توناعان ەكٸ اعايىندىنى ۇستادى, دەپ حابارلايدى "ۇلت اقپارات" ەلورداينفوعا سٸلتەمە جاساپ.
ۇرىلار سوڭعى جولى بايقوڭىر كٶشەسٸندەگٸ ٷيدەن ەيەلدٸڭ قاراكٷزەن ٸشٸگٸن ۇرلاعان. ەسٸكتٸڭ قۇلىپتالماعانىن پايدالانىپ, ولار ٷيگە كٸرٸپ, قۇنى 150 مىڭ تەڭگە تۇراتىن ٸشٸكتٸ الىپ كەتكەن, دەپ حابارلايدى نۇر-سۇلتان قالالىق پوليتسييا بٶلٸمٸنٸڭ باسپاسٶز قىزمەتٸ.
سوتقا دەيٸنگٸ تەرگەۋ بارىسىندا ولار ۇرلانعان زاتتى لومباردقا كەپٸلگە بەرٸپ, ول جەردەن 20 مىڭ تەڭگە الىپ شىققانى انىقتالدى. سونداي-اق, پوليتسييا قىزمەتكەرلەرٸ ۇرىنىڭ ٷيٸنەن باسقا دا ۇرلانعان زاتتاردى تەركٸلەدٸ.
ۇستالعان 47 جەنە 40 جاستاعى اعايىندىلار كٸنەسىن مويىندادى. ەكەۋٸ دە بۇرىن سوتتالعان. ايعاق زاتتار تەركٸلەندٸ. پوليتسەيلەر ۇستالعان كٷدٸكتٸلەردٸڭ بەس ەپيزود بويىنشا ايىبىن دەلەلدەدٸ.
ۇستالعاندار ۋاقىتشا ۇستاۋ يزولياتورىنا قامالدى. ولاردىڭ ٷستٸنەن قر قك-نٸڭ «ۇرلىق» بابى بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
پوليتسييا دەپارتامەنتٸ جىل باسىنان بەرٸ زاڭ ۇرلىق ٷشٸن جاۋاپكەرشٸلٸكتٸ كٷشەيتكەنٸن ەسكە سالادى. ەندٸ قىلمىستىڭ بۇل تٷرٸ اۋىر ساناتقا اۋىستى. ايىپتىنىڭ مٷلكٸ تەركٸلەنٸپ, ٷش جىلدان جەتٸ جىلعا دەيٸن باس بوستاندىعىنان ايىرۋ جازاسى قاراستىرىلعان. سونداي-اق, مەمٸلەگە كەلۋ دە الىپ تاستالعان.
