Foto: Astana ákimdigi
21 qyrkúiek kúni «Astana Arena» stadionynda álemge áigili Backstreet Boys tobynyń kontserti ótti. Bul tarihi is-sharaǵa 45 elden 12 myńnan astam týrist arnaiy keldi, dep habarlaidy Ult.kz.
Germaniia, Polsha, Frantsiia, Túrkiia, Finliandiia, Litva, Estoniia, Chehiia, Serbiia, Grekiia, Ázerbaijan, Resei, Ózbekstan jáne basqa da memleketterdiń jankúierleri elordaǵa aǵyldy.
Keshtiń uiymdastyrýshysy – «Astana Kontsert» kompaniiasy Total White dress-kodyn jariialap, shoýǵa erekshe sán men birlik berdi. Áleýmettik jelilerde #GetReadyWithMe trendi keńinen taralyp, kórermender balalyq shaqtaǵy kýmirlerin qarsy alýǵa daiyndyqtaryn kórsetti.
Foto: Astana ákimdigi
Backstreet Boys kontserti Astanadaǵy álemdik juldyzdardyń qoiylymy ǵana emes, elorda tarihyna engen mádeni oqiǵa retinde este qaldy.
Álemdik mýzykalyq tarihtaǵy eń tabysty pop-toptardyń biri sanalatyn Backstreet Boys búginde 130 millionnan astam albom satqan. Qazaqstandaǵy kontsert toptyń álemdik týrnesiniń bir bóligi boldy. Al 2025 jyly olar Las-Vegastaǵy áigili The Sphere kesheninde bir kúnniń ishinde 500 myńnan astam biletti satyp, tarihtaǵy eń kóp satylǵan shoýǵa qol jetkizgen edi.
