Elordada Naýryz merekesine orai 100-den astam is-shara ótedi. Qala turǵyndary kontsertterge, merekelik baǵdarlamalarǵa, kórmelerge, qoiylymdarǵa, ulttyq sport túrleri boiynsha jarystarǵa, serýenge jáne t.b. qatysa alady, dep habarlaidy Nur-Sultan ákimdiginiń resmi saity.
Qalanyń tórt aýdanynda Naýryz meiramy atap ótiletin 20-dan astam oryn anyqtaldy.
22 naýryzda saǵat 11:00-den 15:00-ge deiin barlyq aýdanda, sonyń ishinde elordanyń eldi mekenderinde «Naýryz Dýman 2022» mádeni-buqaralyq is-sharalar uiymdastyrylady. Is-sharada vedomstvolyq baǵynysty uiymdardyń ártisteri men shyǵarmashylyq ujymdardyń qatysýymen kontserttik baǵdarlamasy, túrli kostiým kigen keiipkerler men qýyrshaqtar shoýynyń baǵdarlamasy qarastyrylǵan. Sondai-aq, jinalǵan jurt ulttyq sport túrleri boiynsha jarystarǵa qatysa alady, onyń ishinde – arqan tartý, asyq atý, toǵyz qumalaq jáne t.b. Bul kúni merekeniń basty belgisi – Naýryz kóje ulttyq taǵamy da jurtshylyqqa taratylady.
Almaty aýdanynda merekelik is-shara «Qazaq Eli» monýmenti alańynda, «Stýdentter» saiabaǵynda, Baiqońyr aýdanynda – «Atatúrik» saiabaǵynda, Jazýshylar alleiasynda, Esil aýdanynda – EKSPO aýmaǵynda jáne Úrker eldi mekeninde, Saryarqa aýdanynda – «Kóktal» saiabaǵynda jáne Demalys Promenade alańynda ótedi.
Sonymen qatar, 18-19 naýryzda qalada áleýmettik az qamtylǵan, kópbalaly otbasylarǵa, jalǵyz basty qart adamdarǵa jáne halyqtyń áleýmettik osal toptarynyń basqa da sanattaryna azyq-túlik sebetterin taratý josparlanýda.
Sonymen qatar, 19 naýryz kúni saǵat 11:00-de elordanyń Dostyq Úii alańynda Qazaqstan halqy Assambleiasy qala turǵyndary úshin «Qosh keldiń, áz Naýryz!» is-sharasyn ótkizedi. Qonaqtardy kontserttik baǵdarlama, qoldanbaly óner boiynsha master-klastar, jármeńke jáne ulttyq sporttyq oiyndar boiynsha jarystar kútedi.
Dostyq úiinde kiiz úiler men altybaqan ornatylyp, naýryz kóje daiyndalady. Kiiz úilerdiń ishinde elordalyq etnomádeni birlestikterdiń ulttyq naqyshtaǵy ekspozitsiialary qoiylady. Sondai-aq, árbir kiiz úide qoldanbaly óner boiynsha sheberlik synyptary kórsetiledi.
Saǵat 12.00-de bes baǵyt boiynsha ulttyq sporttyq jarystar bastalady: «Buqa tartys», «Asyq atý», «Gir kóterý», «Qazaqsha kúres», «Qol kúres». Jarys qorytyndysy boiynsha jeńimpazdarǵa aqshalai syilyqtar beriledi.
Kontserttik baǵdarlamamen elordanyń etnomádeni ortalyqtarynyń kásibi, kórkem ujymdary óner kórsetedi.
18-31 naýryz aralyǵynda qýyrshaq teatry «Naýryz-dýman» qýyrshaqtar shoýyna shaqyrady. Qoiylymdardyń bastalý ýaqyty: 10:00, 12:00, 14:00 jáne 16:00.
Qalanyń ortalyqtandyrylǵan kitaphana júiesi de merekeden tys qalǵan joq. Qalalyq kitaphanalar kún saiyn Naýryz meiramyna orai is-sharalar ótkizedi.
17 naýryzda №3 balalar kitaphanasy «Jasai ber, Áz Naýryz» aqparat saǵatyn, al №4 balalar kitaphanasy – «Kóńil kóteremiz Naýryz merekesin qarsy alamyz» merekelik kaleidoskopyn, sondai-aq «Naýryz – birlik, beibitshilik jáne jańarý merekesi!» is-sharalaryn ótkizedi. Dál osy kúni №5 buqaralyq kitaphanada «Sálem, Naýryz!», Ortalyq qalalyq kitaphanada – «Jarqyra, jaina Naýryzym!», №9 buqaralyq kitaphanada – «Ulystyń uly kúni Naýryz» keshi uiymdastyrylady. 18 naýryzda № 2 balalar kitaphanasynda «Ata-baba dástúrli-ádeptilik negiz» atty merekelik kezdesý, №4 buqaralyq kitaphanada «Naýryz dýman» ulttyq tarih saǵaty, №7 buqaralyq kitaphanada «Armysyń áz naýryz! Aq mol bolsyn!», № 8 balalar kitaphanasyna «Naýryz keledi!» is-sharasy ótkiziledi.
19 naýryzda № 3 buqaralyq kitaphanada «Ulystyń uly kúni Naýryz» áńgime-oiynyn, №2 buqaralyq kitaphanada «Nur sebele – Ulystyń uly kúni» merekelik keshin, №10 buqaralyq kitaphanada «Qazaqsha stildegi defile» tarih saǵatyn, №15 buqaralyq kitaphanada «Ulystyń uly kúni – Áz Naýryz!» kitap kórmesin uiymdastyrý josparlanýda.
Sáken Seifýllin murajaiy Osy aptada áleýmettik jelilerde Naýryz meiramy men Qazaq ulttyq dástúrlerine arnalǵan onlain-is-sharalar ótkizedi.
25 naýryzda elordanyń Memlekettik Akademiialyq filarmoniiasynda «Naýryz syiy» Ulttyq syilyǵy ótedi. Joba tek mádenietti ǵana emes, sonymen birge ulttyq bailyqtyń alýan túrliligin bildiretin halyq sheberlerine arnalǵan.
Sonymen qatar, 18-22 naýryz aralyǵynda Arnasai kóshesi, 109 boiyndaǵy saýda pavilonynyń aýmaǵynda Naýryz merekesine orai úlken aýyl sharýashylyǵy jármeńkesi uiymdastyrylady, onda baǵalar bazar baǵasynan 15%-ǵa tómen bolady.
