ەلوردادا ناۋرىز مەرەكەسٸنە وراي 100-دەن استام ٸس-شارا ٶتەدٸ. قالا تۇرعىندارى كونتسەرتتەرگە, مەرەكەلٸك باعدارلامالارعا, كٶرمەلەرگە, قويىلىمدارعا, ۇلتتىق سپورت تٷرلەرٸ بويىنشا جارىستارعا, سەرۋەنگە جەنە ت.ب. قاتىسا الادى, دەپ حابارلايدى نۇر-سۇلتان ەكٸمدٸگٸنٸڭ رەسمي سايتى.
قالانىڭ تٶرت اۋدانىندا ناۋرىز مەيرامى اتاپ ٶتٸلەتٸن 20-دان استام ورىن انىقتالدى.
22 ناۋرىزدا ساعات 11:00-دەن 15:00-گە دەيٸن بارلىق اۋداندا, سونىڭ ٸشٸندە ەلوردانىڭ ەلدٸ مەكەندەرٸندە «ناۋرىز دۋمان 2022» مەدەني-بۇقارالىق ٸس-شارالار ۇيىمداستىرىلادى. ٸس-شارادا ۆەدومستۆولىق باعىنىستى ۇيىمداردىڭ ەرتٸستەرٸ مەن شىعارماشىلىق ۇجىمداردىڭ قاتىسۋىمەن كونتسەرتتٸك باعدارلاماسى, تٷرلٸ كوستيۋم كيگەن كەيٸپكەرلەر مەن قۋىرشاقتار شوۋىنىڭ باعدارلاماسى قاراستىرىلعان. سونداي-اق, جينالعان جۇرت ۇلتتىق سپورت تٷرلەرٸ بويىنشا جارىستارعا قاتىسا الادى, ونىڭ ٸشٸندە – ارقان تارتۋ, اسىق اتۋ, توعىز قۇمالاق جەنە ت.ب. بۇل كٷنٸ مەرەكەنٸڭ باستى بەلگٸسٸ – ناۋرىز كٶجە ۇلتتىق تاعامى دا جۇرتشىلىققا تاراتىلادى.
الماتى اۋدانىندا مەرەكەلٸك ٸس-شارا «قازاق ەلٸ» مونۋمەنتٸ الاڭىندا, «ستۋدەنتتەر» ساياباعىندا, بايقوڭىر اۋدانىندا – «اتاتٷرٸك» ساياباعىندا, جازۋشىلار اللەياسىندا, ەسٸل اۋدانىندا – ەكسپو اۋماعىندا جەنە ٷركەر ەلدٸ مەكەنٸندە, سارىارقا اۋدانىندا – «كٶكتال» ساياباعىندا جەنە Demalys Promenade الاڭىندا ٶتەدٸ.
سونىمەن قاتار, 18-19 ناۋرىزدا قالادا ەلەۋمەتتٸك از قامتىلعان, كٶپبالالى وتباسىلارعا, جالعىز باستى قارت ادامدارعا جەنە حالىقتىڭ ەلەۋمەتتٸك وسال توپتارىنىڭ باسقا دا ساناتتارىنا ازىق-تٷلٸك سەبەتتەرٸن تاراتۋ جوسپارلانۋدا.
سونىمەن قاتار, 19 ناۋرىز كٷنٸ ساعات 11:00-دە ەلوردانىڭ دوستىق ٷيٸ الاڭىندا قازاقستان حالقى اسسامبلەياسى قالا تۇرعىندارى ٷشٸن «قوش كەلدٸڭ, ەز ناۋرىز!» ٸس-شاراسىن ٶتكٸزەدٸ. قوناقتاردى كونتسەرتتٸك باعدارلاما, قولدانبالى ٶنەر بويىنشا ماستەر-كلاستار, جەرمەڭكە جەنە ۇلتتىق سپورتتىق ويىندار بويىنشا جارىستار كٷتەدٸ.
دوستىق ٷيٸندە كيٸز ٷيلەر مەن التىباقان ورناتىلىپ, ناۋرىز كٶجە دايىندالادى. كيٸز ٷيلەردٸڭ ٸشٸندە ەلوردالىق ەتنومەدەني بٸرلەستٸكتەردٸڭ ۇلتتىق ناقىشتاعى ەكسپوزيتسييالارى قويىلادى. سونداي-اق, ەربٸر كيٸز ٷيدە قولدانبالى ٶنەر بويىنشا شەبەرلٸك سىنىپتارى كٶرسەتٸلەدٸ.
ساعات 12.00-دە بەس باعىت بويىنشا ۇلتتىق سپورتتىق جارىستار باستالادى: «بۇقا تارتىس», «اسىق اتۋ», «گٸر كٶتەرۋ», «قازاقشا كٷرەس», «قول كٷرەس». جارىس قورىتىندىسى بويىنشا جەڭٸمپازدارعا اقشالاي سىيلىقتار بەرٸلەدٸ.
كونتسەرتتٸك باعدارلامامەن ەلوردانىڭ ەتنومەدەني ورتالىقتارىنىڭ كەسٸبي, كٶركەم ۇجىمدارى ٶنەر كٶرسەتەدٸ.
18-31 ناۋرىز ارالىعىندا قۋىرشاق تەاترى «ناۋرىز-دۋمان» قۋىرشاقتار شوۋىنا شاقىرادى. قويىلىمداردىڭ باستالۋ ۋاقىتى: 10:00, 12:00, 14:00 جەنە 16:00.
قالانىڭ ورتالىقتاندىرىلعان كٸتاپحانا جٷيەسٸ دە مەرەكەدەن تىس قالعان جوق. قالالىق كٸتاپحانالار كٷن سايىن ناۋرىز مەيرامىنا وراي ٸس-شارالار ٶتكٸزەدٸ.
17 ناۋرىزدا №3 بالالار كٸتاپحاناسى «جاساي بەر, ەز ناۋرىز» اقپارات ساعاتىن, ال №4 بالالار كٸتاپحاناسى – «كٶڭٸل كٶتەرەمٸز ناۋرىز مەرەكەسٸن قارسى الامىز» مەرەكەلٸك كالەيدوسكوپىن, سونداي-اق «ناۋرىز – بٸرلٸك, بەيبٸتشٸلٸك جەنە جاڭارۋ مەرەكەسٸ!» ٸس-شارالارىن ٶتكٸزەدٸ. دەل وسى كٷنٸ №5 بۇقارالىق كٸتاپحانادا «سەلەم, ناۋرىز!», ورتالىق قالالىق كٸتاپحانادا – «جارقىرا, جاينا ناۋرىزىم!», №9 بۇقارالىق كٸتاپحانادا – «ۇلىستىڭ ۇلى كٷنٸ ناۋرىز» كەشٸ ۇيىمداستىرىلادى. 18 ناۋرىزدا № 2 بالالار كٸتاپحاناسىندا «اتا-بابا دەستٷرلٸ-ەدەپتٸلٸك نەگٸز» اتتى مەرەكەلٸك كەزدەسۋ, №4 بۇقارالىق كٸتاپحانادا «ناۋرىز دۋمان» ۇلتتىق تاريح ساعاتى, №7 بۇقارالىق كٸتاپحانادا «ارمىسىڭ ەز ناۋرىز! اق مول بولسىن!», № 8 بالالار كٸتاپحاناسىنا «ناۋرىز كەلەدٸ!» ٸس-شاراسى ٶتكٸزٸلەدٸ.
19 ناۋرىزدا № 3 بۇقارالىق كٸتاپحانادا «ۇلىستىڭ ۇلى كٷنٸ ناۋرىز» ەڭگٸمە-ويىنىن, №2 بۇقارالىق كٸتاپحانادا «نۇر سەبەلە – ۇلىستىڭ ۇلى كٷنٸ» مەرەكەلٸك كەشٸن, №10 بۇقارالىق كٸتاپحانادا «قازاقشا ستيلدەگٸ دەفيلە» تاريح ساعاتىن, №15 بۇقارالىق كٸتاپحانادا «ۇلىستىڭ ۇلى كٷنٸ – ەز ناۋرىز!» كٸتاپ كٶرمەسٸن ۇيىمداستىرۋ جوسپارلانۋدا.
سەكەن سەيفۋللين مۇراجايى وسى اپتادا ەلەۋمەتتٸك جەلٸلەردە ناۋرىز مەيرامى مەن قازاق ۇلتتىق دەستٷرلەرٸنە ارنالعان ونلاين-ٸس-شارالار ٶتكٸزەدٸ.
25 ناۋرىزدا ەلوردانىڭ مەملەكەتتٸك اكادەمييالىق فيلارمونيياسىندا «ناۋرىز سىيى» ۇلتتىق سىيلىعى ٶتەدٸ. جوبا تەك مەدەنيەتتٸ عانا ەمەس, سونىمەن بٸرگە ۇلتتىق بايلىقتىڭ الۋان تٷرلٸلٸگٸن بٸلدٸرەتٸن حالىق شەبەرلەرٸنە ارنالعان.
سونىمەن قاتار, 18-22 ناۋرىز ارالىعىندا ارناساي كٶشەسٸ, 109 بويىنداعى ساۋدا پاۆيلونىنىڭ اۋماعىندا ناۋرىز مەرەكەسٸنە وراي ٷلكەن اۋىل شارۋاشىلىعى جەرمەڭكەسٸ ۇيىمداستىرىلادى, وندا باعالار بازار باعاسىنان 15%-عا تٶمەن بولادى.
