Elordada Múlik ieleri birlestigi qurylǵanda 5 myńǵa jýyq jumys orny ashylady. Bul týraly Nur-Sultan qalalyq kásipkerler palatasy direktorynyń orynbasary Qýanyshbek Muqash aitty, dep habarlaidy QazAqparat.
«Qazirgi ýaqytta kásipkerler elorda turǵyndaryna tsifrlandyrý arqyly óz úilerin basqarýǵa barlyq múmkindikterdi jasady. Iaǵni, onlain kezdesýler ótkizý, úi máselelerine qatysty daýys berý, tólem jasaý, ótinimderdi jiberý jáne taǵy basqalary qamtylyp otyr. Pandemiiaǵa qaramastan, biznes turǵyndardyń 250 onlain kezdesýlerin ótkizýdi qamtamasyz etti. 30-dan astam Múlik ieleri birlestigine keńes berildi, jáne kiltpen tirkeýdi júzege asyrýǵa qoldaý kórsetildi», – dedi Qýanyshbek Muqash Kásipkerler quqyǵyn qorǵaý jónindegi keńes otyrysynda.
Onyń atap ótýinshe, elordada biznes qaýymdastyǵy «iQamal» zańdy tulǵalar men jeke kásipkerler qaýymdastyǵynyń qatysýymen 100-den astam Múlik ieleri birlestigin qurdy basqarý organdarynyń qyzmetine jan-jaqty qoldaý uiymdastyrdy
«Zańdy tulǵalar sanynyń 2000-ǵa deiin ulǵaiýy kútiledi. Al bul shamamen 5000 jańa jumys ornyn qurýǵa múmkindik beredi», - dedi ol.
Aita keteiik, 2021 jyldyń aqpanyna deiin turǵyn úilerge qyzmet kórsetetin múlik ieleri birlestigi (MIB) uiymdary ár turǵyn úi kesheninde qurylady. Ol burynǵy páter ieleri kooperativiniń qyzmetin atqarady. Degenmen, aiyrmashylyǵy kóp. Máselen, bir PIK ondaǵan, tipti júzdegen turǵyn úige servistik qyzmet kórsetedi. Oǵan páter ieleri ai saiyn qajetti qarajat aýdarady.
