Elordada qoimadaǵy órt sóndirildi, dep habarlaidy "Ult aqparat" qalalyq TJD-nyń baspasóz qyzmetine silteme jasap.
«Saǵat 15:47-de Nur-Sultan qalasy TJD Órt sóndirý bólimsheleri janyp jatqan a-355 kóshesindegi 2/1B-nysanyna attandy. Olar 14 minýtta jetti, ǵimarattyń shatyrynda elektr kabelderi men shatyrdyń jylý saqtaǵysh materialy janyp jatqany anyqtaldy. Bul nysan eki bólikten turady, birinshisi elektrovoz jabdyqtaryn jóndeitin óndiris sheberhanasy, ekinshi bóligi - elektr kabelderin, qozǵaltqyshtardy jáne elektr tehnikasyn saqtaýǵa arnalǵan qoima», delingen habarlamada.
Qoimadaǵy órtti sóndirýge jeke quramnan 62 adam jáne 14 tehnika jumyldyryldy. Oqys oqiǵadan eshkim zardap shekpegen. Órt saǵat 17.52-de tolyq sóndirildi.
