Nur-Sultanda koronavirýstyń ekinshi tolqyny kelgen jaǵdaida meditsina mekemeleri kúsheitilgen jumys rejimine kóshedi, dep habarlaidy "Ult aqparat".
Ákimdiktiń málimetinshe, qoǵamdyq densaýlyq saqtaý basqarmasynyń esep berý jiyny onlain rejimde ótken. Oǵan qala ákiminiń orynbasary Baqtiiar Máken, Densaýlyq saqtaý birinshi vitse-ministri M.Shoranov, qoǵamdyq densaýlyq saqtaý basqarmasynyń basshysy Timýr Muratov, qalalyq jáne jeke meditsinalyq uiymdardyń birinshi basshylary qatysty.
Timýr Muratov óz baiandamasynda elordada negizgi meditsinalyq-demografiialyq kórsetkishter jaqsarǵanyn atap ótti. Ómir súrý uzaqtyǵy ósip, qan ainalymy júiesiniń aýrýlarynan, qaterli isikterden, jaraqattardan, jazataiym oqiǵalardan jáne ýlanýdan bolatyn náreste óliminiń tómendeýi baiqalady.
Sondai-aq, epidemiologiialyq jaǵdai boiynsha máseleler qozǵaldy. 23 qazandaǵy jaǵdai boiynsha, koronavirýs infektsiiasynyń 20 jańa jaǵdaiy anyqtaldy.
«Búgingi tańda KVI-men naýqastanǵan juqpaly aýrýlar statsionarlarynda - 94 patsient, karantinde – 148 patsient bar. Pandemiia bastalǵannan beri 13 701 naýqas saýyǵyp, 318 adam koronavirýstan qaitys boldy. Kún saiyn qaladaǵy epidemiologiialyq jaǵdaidy baqylaý jumystary júrgiziledi», - dedi basqarma basshysy.
Keńeske qatysýshylarǵa elordada COVID-19 qaitalanǵan jaǵdaidaǵy daiyndyq týraly baiandaldy. Qala ákimdigi men basqarma meditsinalyq uiymdar úshin qosymsha jabdyqtar satyp aldy.
«15 zerthana jumys isteidi, olardyń táýliktik qýaty 10 myńnan astam zertteý men qýaty 1440 zertteý bolatyn qosymsha 9 izotermiialyq zerthana satyp alyndy», - dep atap ótti Timýr Muratov.
Óz kezeginde qala ákiminiń orynbasary Baqtiiar Máken emhanalarda halyqpen jumysty kúsheitýdi tapsyrdy.
«Halyq únine qulaq asatyn memleket júiesi bizden bastalady. Patsienttermen neǵurlym tyǵyz bailanys ornatyp, halyqtyń densaýlyǵyna muqiiat bolý qajet. Jyl sońyna deiin ýaqyt beremiz, eger jumys jaqsarmasa, qatań sharalar qabyldanady», - dedi Nur-Sultan qalasy ákiminiń orynbasary Baqtiiar Máken.
Sondai-aq, elorda ákiminiń orynbasary dárihanalarda dári-dármek tapshylyǵyna jol bermeý qajettigin atap ótti. Bul másele qala basshylyǵynyń qatań baqylaýynda.
