Elordanyń politsiia qyzmetkerleri Saryarqa dańǵyly boiyndaǵy kópirden sekirmek bolǵan er adamdy qutqardy, dep habarlaidy "Ult aqparat".
Nur-Sultan qalalyq politsiia departamentiniń málimetinshe, keshe túngi saǵat 23:46-da Jedel basqarý ortalyǵynyń «102» nómirine Saryarqa dańǵyly boiyndaǵy kópirdiń jaqtaýyna er adamnyń shyǵyp alyp, sekirmek bolyp turǵany týraly habarlama túsken. Oqiǵa ornyna departamenttiń Patrýldik politsiia polki insektorlary – aǵa leitenant Jandos Turashov pen leitenant Jaqsylyq Qarabaev shuǵyl attanǵan.
«Oqiǵa ornyna jetken politsiia qyzmetkerleri kópirden aiaǵyn salbyratyp, qaterli qadam jasamaq bolyp turǵan azamatty tapty. Jaǵdaida tez arada baǵalai bilgen inspektorlar er adamnyń nazaryn ózderine aýdaratyn jyly sózder taba bildi. Politsiia qyzmetkerleri er adamǵa barynsha taqaý kelip, tez arada ony ustap aldy jáne kópirden jol jiegine alyp shyqty», - delingen vedomstvo málimetinde.
Meditsinalyq kýálandyrý qorytyndysyna sáikes, 33 jastaǵy azamattyń ishimdikke mas bolǵany anyqtaldy. Onyń mundai qadamǵa nelikten barmaq bolmaǵany anyqtalý ústinde. Er adam aýdandyq politsiia bólimshesine jetkizilip, sol jerde psihologiialyq kómek kórsetildi.
