Nur-Sultanda "kópbalaly otbasy" sanaty boiynsha turǵyn úi kezeginde turǵan otbasylarǵa jalǵa beriletin 150 páterdiń sertifikattaryn tabystaý bastaldy, dep habarlaidy qala ákimdiginiń baspasóz qyzmeti.
Kópbalaly otbasylarǵa arnalǵan 150 páter "Berekeli baspana" qalalyq baǵdarlamasy aiasynda beriledi. Páterlerdi berý eki kezeńnen turady.
Alǵashy kezeń 17 maýsymǵa deiin ótedi. Munda turǵyndar tiisti qujattaryn jinap, ákimdikke ótkizýi tiis. Al ekinshi kezeń 15 shildede uiymdastyrylady. Onda baǵdarlamadan ótken kópbalaly otbasylardy páterlerge qonystandyrý jumystary júrgiziledi.
"Kópbalaly otbasy" sanaty boiynsha turǵyn úi kezeginde turǵan otbasylarǵa jalǵa beriletin 150 páterdiń sertifikattaryn berý bastaldy. Bul az qamtylǵan kópbalaly otbasylardyń baspana jaǵdaiyn jaqsartýǵa múmkindik berip, qala turǵyndarynyń ál-aýqatynyń joǵarylaýyna septigin tigizedi", - delingen habarlamada.
Aita keteiik, búginde Nur-Sultanda 46 myń adam turǵyn úi kezeginde tur. Onyń 3 myńnan astamy kópbalaly otbasy. Biylǵy jyldyń sońyna deiin kópbalaly analar, turmysy tómen azamattar, múmkindigi shekteýli jandarǵa shamamen 2 myń páter beriledi.
"Kópbalaly otbasy" sanatynda turǵyn úi kezeginde turǵan kópbalaly otbasylar tiisti málimetti alý úshin Nur-Sultan qalasy ákimdiginiń "Turǵyn úi qory" kommýnaldyq memlekettik mekemesine (R.Qoshqarbaev, 39) júginýi tiis, bailanys nómiri: 79-34-50.
