نۇر-سۇلتاندا "كٶپبالالى وتباسى" ساناتى بويىنشا تۇرعىن ٷي كەزەگٸندە تۇرعان وتباسىلارعا جالعا بەرٸلەتٸن 150 پەتەردٸڭ سەرتيفيكاتتارىن تابىستاۋ باستالدى, دەپ حابارلايدى قالا ەكٸمدٸگٸنٸڭ باسپاسٶز قىزمەتٸ.
كٶپبالالى وتباسىلارعا ارنالعان 150 پەتەر "بەرەكەلٸ باسپانا" قالالىق باعدارلاماسى اياسىندا بەرٸلەدٸ. پەتەرلەردٸ بەرۋ ەكٸ كەزەڭنەن تۇرادى.
العاشى كەزەڭ 17 ماۋسىمعا دەيٸن ٶتەدٸ. مۇندا تۇرعىندار تيٸستٸ قۇجاتتارىن جيناپ, ەكٸمدٸككە ٶتكٸزۋٸ تيٸس. ال ەكٸنشٸ كەزەڭ 15 شٸلدەدە ۇيىمداستىرىلادى. وندا باعدارلامادان ٶتكەن كٶپبالالى وتباسىلاردى پەتەرلەرگە قونىستاندىرۋ جۇمىستارى جٷرگٸزٸلەدٸ.
"كٶپبالالى وتباسى" ساناتى بويىنشا تۇرعىن ٷي كەزەگٸندە تۇرعان وتباسىلارعا جالعا بەرٸلەتٸن 150 پەتەردٸڭ سەرتيفيكاتتارىن بەرۋ باستالدى. بۇل از قامتىلعان كٶپبالالى وتباسىلاردىڭ باسپانا جاعدايىن جاقسارتۋعا مٷمكٸندٸك بەرٸپ, قالا تۇرعىندارىنىڭ ەل-اۋقاتىنىڭ جوعارىلاۋىنا سەپتٸگٸن تيگٸزەدٸ", - دەلٸنگەن حابارلامادا.
ايتا كەتەيٸك, بٷگٸندە نۇر-سۇلتاندا 46 مىڭ ادام تۇرعىن ٷي كەزەگٸندە تۇر. ونىڭ 3 مىڭنان استامى كٶپبالالى وتباسى. بيىلعى جىلدىڭ سوڭىنا دەيٸن كٶپبالالى انالار, تۇرمىسى تٶمەن ازاماتتار, مٷمكٸندٸگٸ شەكتەۋلٸ جاندارعا شامامەن 2 مىڭ پەتەر بەرٸلەدٸ.
"كٶپبالالى وتباسى" ساناتىندا تۇرعىن ٷي كەزەگٸندە تۇرعان كٶپبالالى وتباسىلار تيٸستٸ مەلٸمەتتٸ الۋ ٷشٸن نۇر-سۇلتان قالاسى ەكٸمدٸگٸنٸڭ "تۇرعىن ٷي قورى" كوممۋنالدىق مەملەكەتتٸك مەكەمەسٸنە (ر.قوشقارباەۆ, 39) جٷگٸنۋٸ تيٸس, بايلانىس نٶمٸرٸ: 79-34-50.
