Elordada «Kópbalaly otbasy» sanaty boiynsha turǵyn úi kezeginde turǵan azamattardan satyp alý quqyǵynsyz jaldamaly páterge qujattardy qabyldaý bastaldy, - dep habarlaidy «Ult aqparat» Nur-sultan qalasy ákimdiginiń «Turǵyn úi qory» KMM silteme jasap.
Nur-Sultan qalasynyń «Turǵyn úi qory» KMM satyp alý quqyǵynsyz jaldamaly páterge qujattardy qabyldai bastady. Bul baǵdarlamada «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, sondai-aq I jáne II dárejeli «Ana dańqy» ordenderimen nagradtalǵan kópbalaly analar, kópbalaly otbasylar sanattaǵy turǵyn úi kezegindegi kópbalaly otbasylar qatysa alady. Barlyǵy 251 páter, onyń 184-i úsh bólmeli (65-85 sh.m.), 67-si eki bólmeli (60-70 sh.m.) Qujattardy 1 jeltoqsan men 6 jeltoqsan aralyǵynda Nur-Sultan qalasynyń ákimdiginiń «Turǵyn úi qory» KMM R. Qoshqarbaev dańǵylyndaǵy 39 úide qabyldaidy.
Mekeme qujattardy 1-2 jeltoqsanda saǵat 10.00-dan 16.00-ge deiin, 3-6 jeltoqsan saǵat 8.30-dan 17.00-ge deiin qabyldaidy. Úzilis saǵat 13.00-den 14.30-ǵa deiin.
Turǵyn úige úmitkerler kelesi qujattardy tapsyrýy kerek:
Ótinish; ótinish berýshi men onyń otbasy músheleriniń jeke basyn kýálandyratyn qujat; neke qiiý/nekeni buzý, jubaiynyń/zaiybynyń qaitys bolýy, balalardyń týý týraly kýálikteri, ótinish berýshiniń nekede turmaityndyǵy týraly HQO-nan anyqtama; ótinish berýshiniń jáne onymen turaqty birge turatyn otbasy músheleriniń Qazaqstan Respýblikasynyń aýmaǵy boiynsha menshik quqyǵyndaǵy úiiniń nemese satyp alýmen jaldamaly turǵyn úiiniń bar nemese joq ekendigi týraly anyqtama; jyljymaityn múlikke tirkelgen quqyqtar jáne onyń tehnikalyq sipattamalary (balshyqtan quiylǵan jáne qańqaly-qamysty turǵyn úidegi, jataqhanadaǵy bólmede úlesi bolǵan kezde) týraly anyqtama, sondai-aq atalǵan jaǵdailarda menshik quqyǵynyń týyndaýyn rastaityn qujattar. Sonymen qatar, kópbalaly ana kitapshasy (eger bar bolsa kóshirmesi) bolýy tiis.
Eske sala ketsek, taiaýda qalada «Berekeli baspana» baǵdarlamasy boiynsha baspana beriletin 419 adamnyń tizimi jariialandy.
