ەلوردادا «كٶپبالالى وتباسى» ساناتى بويىنشا تۇرعىن ٷي كەزەگٸندە تۇرعان ازاماتتاردان ساتىپ الۋ قۇقىعىنسىز جالدامالى پەتەرگە قۇجاتتاردى قابىلداۋ باستالدى, - دەپ حابارلايدى «ۇلت اقپارات» نۇر-سۇلتان قالاسى ەكٸمدٸگٸنٸڭ «تۇرعىن ٷي قورى» كمم سٸلتەمە جاساپ.
نۇر-سۇلتان قالاسىنىڭ «تۇرعىن ٷي قورى» كمم ساتىپ الۋ قۇقىعىنسىز جالدامالى پەتەرگە قۇجاتتاردى قابىلداي باستادى. بۇل باعدارلامادا «التىن القا», «كٷمٸس القا» القالارىمەن ناگرادتالعان نەمەسە بۇرىن «باتىر انا» اتاعىن العان, سونداي-اق I جەنە II دەرەجەلٸ «انا داڭقى» وردەندەرٸمەن ناگرادتالعان كٶپبالالى انالار, كٶپبالالى وتباسىلار ساناتتاعى تۇرعىن ٷي كەزەگٸندەگٸ كٶپبالالى وتباسىلار قاتىسا الادى. بارلىعى 251 پەتەر, ونىڭ 184-ٸ ٷش بٶلمەلٸ (65-85 ش.م.), 67-سٸ ەكٸ بٶلمەلٸ (60-70 ش.م.) قۇجاتتاردى 1 جەلتوقسان مەن 6 جەلتوقسان ارالىعىندا نۇر-سۇلتان قالاسىنىڭ ەكٸمدٸگٸنٸڭ «تۇرعىن ٷي قورى» كمم ر. قوشقارباەۆ داڭعىلىنداعى 39 ٷيدە قابىلدايدى.
مەكەمە قۇجاتتاردى 1-2 جەلتوقساندا ساعات 10.00-دان 16.00-گە دەيٸن, 3-6 جەلتوقسان ساعات 8.30-دان 17.00-گە دەيٸن قابىلدايدى. ٷزٸلٸس ساعات 13.00-دەن 14.30-عا دەيٸن.
تۇرعىن ٷيگە ٷمٸتكەرلەر كەلەسٸ قۇجاتتاردى تاپسىرۋى كەرەك:
ٶتٸنٸش; ٶتٸنٸش بەرۋشٸ مەن ونىڭ وتباسى مٷشەلەرٸنٸڭ جەكە باسىن كۋەلاندىراتىن قۇجات; نەكە قييۋ/نەكەنٸ بۇزۋ, جۇبايىنىڭ/زايىبىنىڭ قايتىس بولۋى, بالالاردىڭ تۋۋ تۋرالى كۋەلٸكتەرٸ, ٶتٸنٸش بەرۋشٸنٸڭ نەكەدە تۇرمايتىندىعى تۋرالى حقو-نان انىقتاما; ٶتٸنٸش بەرۋشٸنٸڭ جەنە ونىمەن تۇراقتى بٸرگە تۇراتىن وتباسى مٷشەلەرٸنٸڭ قازاقستان رەسپۋبليكاسىنىڭ اۋماعى بويىنشا مەنشٸك قۇقىعىنداعى ٷيٸنٸڭ نەمەسە ساتىپ الۋمەن جالدامالى تۇرعىن ٷيٸنٸڭ بار نەمەسە جوق ەكەندٸگٸ تۋرالى انىقتاما; جىلجىمايتىن مٷلٸككە تٸركەلگەن قۇقىقتار جەنە ونىڭ تەحنيكالىق سيپاتتامالارى (بالشىقتان قۇيىلعان جەنە قاڭقالى-قامىستى تۇرعىن ٷيدەگٸ, جاتاقحاناداعى بٶلمەدە ٷلەسٸ بولعان كەزدە) تۋرالى انىقتاما, سونداي-اق اتالعان جاعدايلاردا مەنشٸك قۇقىعىنىڭ تۋىنداۋىن راستايتىن قۇجاتتار. سونىمەن قاتار, كٶپبالالى انا كٸتاپشاسى (ەگەر بار بولسا كٶشٸرمەسٸ) بولۋى تيٸس.
ەسكە سالا كەتسەك, تاياۋدا قالادا «بەرەكەلٸ باسپانا» باعدارلاماسى بويىنشا باسپانا بەرٸلەتٸن 419 ادامنىڭ تٸزٸمٸ جارييالاندى.
