Elordanyń qoǵamdyq kólikteri shtattyq rejimdegi jumys kestesine oralady, dep habarlaidy "Ult aqparat" qala ákimdiginiń resmi caityna silteme jasap.
Qalanyń bas memlekettik sanitarlyq dárigeriniń 2 aqpanda kúshine engen jańa qaýlysyna sáikes elordada avtobýstar jeksenbi kúni de júredi.
«Qalalyq qoǵamdyq kóliktiń jumysy (shuǵyl ýaqytta avtobýstar sanyn kóbeitý, sońǵy aialdamada salondy dezinfektsiialaý quraldarymen óńdeý, barlyq esikterdi ashý, jolaýshylar úshin antiseptigi bar sanitaizerler ornatý, áleýmettik qashyqtyqty mindetti túrde saqtaý jáne jolaýshylar men júrgizýshilerdiń betperde kiiýi) shtattyq rejimde jumys kestesi belgilene otyryp qamtamasyz etilýi tiis», - delingen qaýlyda.
