Nur-Sultan qalasy bas sanitar dárigeriniń sheshimimen elordalyq HQO-lardyń jumys kestesi ózgerdi, dep habarlaidy "Ult aqparat".
Endi olar qyzmet alýshylardy dúisenbi-juma kúnderi aralyǵynda 09.00-den 20.00-ge deiin jáne senbi 09:00-den 18:30-ge deiin qabyldaidy. Degenmen, qujattandyrý bólimi (jeke kýálik, pasport) jumys kúnderi 09:00-den 18:30-ǵa deiin jáne senbi 09:00-den 14:00-ge deiin qyzmet kórsetedi.
Esterińizge sala ketsek, budan buryn elordalyqtar HQO-ǵa tek dúisenbi-juma aralyǵynda júgine alatyn. Sol sebepti osy kúnderi jumys isteitin azamattardyń jumystan tys ýaqytty tańdaý múmkindigi shekteýli boldy. Qyzmet kórsetý ýaqytynyń uzarýy memlekettik qyzmet kórsetý protsesin birqalypty etip, elorda turǵyndarynyń suranysyna jaýap berýge múmkindik beredi.
Al avtoHQO-nyń jumys ýaqyty ózgerissiz qaldy. Kólik qujattary jumys jáne senbi kúnderi 09.00-den 18:00-ge deiin qabyldansa, daiyn qujattar 09.00-den 20.00-ge deiin beriletin bolady.
Sondai-aq, áli de karantin talaptaryn saqtaý suralatyndyqtan, HQO-da aldyn ala brondaý arqyly tek qana qaǵaz júzinde usynylatyn qyzmetter kórsetiledi. Qyzmet alýshylar HQO-daǵy kezek ýaqytyn egov.kz portaly, eGovKzBot2.0 telegram-boty jáne 1414 nómiri arqyly brondai alady.
