Elordada karantin talaptaryn jii buzatyn 7 oiyn-saýyq mekemesiniń qyzmeti úsh aiǵa toqtatylýy múmkin, dep habarlaidy "Ult aqparat".
Elorda ákimdiginen málim etkendei, búginde Nur-Sultan qalasynyń mamandandyrylǵan aýdanaralyq ákimshilik sotyna barlyǵy segiz material joldanǵan. Atap aitqanda, «SOVA» jáne «Janym Sol» karaoke bary, «ALANYA» túngi klýby, «Echo» bary, «ZOLOTO» meiramhanasy men «Storis» laýndj-baryna qatysty derekter, «Teqila» laýndj-baryna qatysty eki hattama joldandy.
«Dese de, «Teqila» laýndj bary, «ZOLOTO» meiramhanasy, «ALANYA» túngi klýby (Manas kóshesi, 9/1) karantin talabyn buzýdy jalǵastyrýda. Ótken demalys kúnderi atalǵan obektilerge qatysty shaǵymdar qaita kelip tústi. Jospardan tys tekserýler júrgizildi, olardyń barysynda talap buzý faktisi rastaldy. Tekserý nátijeleri boiynsha materialdar qosymsha dálel retinde ákimshilik sotqa jiberiledi», – dedi Nur-Sultan qalasynyń bas memlekettik sanitarlyq dárigeri Janna Pirálieva.
Budan bólek, mereke kúnderi «Mega Silk Way» SOO-da «Kango» batýt ortalyǵyna jáne Turan dańǵyly, 21-inshi úidegi «Icon» klýbyna qatysty qaita shuǵyl habarlama kelip tústi. Buǵan deiin atalǵan nysandarǵa buzýshylyqtardy joiý týraly eskertý berilgen bolatyn. Endi osy nysandarǵa qatysty ákimshilik quqyq buzýshylyq týraly hattama ákimshilik sotqa jiberiledi.
«Esterińizge sala keteiik, qalada biznes sýbektilerine karantin jáne shekteý sharalarynyń saqtalýyn qadaǵalaityn monitoring júrgizilýde. Shilde aiynan bastap osy ýaqytqa deiin talap buzǵany úshin 261 296 654 teńge somasyna jeke, laýazymdy jáne zańdy 1 297 tulǵa ákimshilik jaýapkershilikke tartyldy», - dedi qala ákimdiginiń baspasóz qyzmetinen.
