Elordada izdeýde júrgen er adamnyń alimentin týǵan-týystary tólep jatyr. Sot oryndaýshylar habarsyz ketken er adamnyń baýyrynyń kóligin tárkilegen, dep habarlaidy "Ult aqparat".
Sot oryndaýshylar Nur-Sultan qalasynda 2002 jylǵy jas jigittiń – qaryz iesiniń baýyrynyń Lexus ES300 kóligin tárkiledi. Avtokólikti tárkileý barysynda izdeýde júrgen er adamnyń týystary onyń qaryzyn burynǵy kelinine tólep jatqany anyqtalǵan.
Sol úidiń kelini avtokóliktiń tárkilenip jatqanyn estip, qaryz iesiniń ata-anasyna kelip, alimenttiń tólengeni týraly ótinim jazdy.
Aldaǵy ýaqytta ulynyń qaryzyn áke-sheshesi jabatyn boldy.
«Kólikti tárkilegennen keiin eki kúnnen soń sot oryndaýshylary ony qaitaryp berdi. Anyqtalǵandai, qaryz iesiniń memleket aldynda taǵy 7 mindettemesi bolǵan. Ony da týǵan baýyry tólep jatyr», - deidi Nur-Sultan qalasynyń jeke sot oryndaýshylar palatasy basshysynyń orynbasary Madina Janasaeva.
Izdeýde júrgen er adamnyń 2018 jyldyń tamyzynan bergi 1,5 million teńge qaryzy ótelgen.
Jalpy bul adam ekinshi ret ajyrasqan. Alǵashqy nekesinen - úsh, ekinshi nekesinen - eki bala qalǵan.
