ەلوردادا ٸزدەۋدە جٷرگەن ەر ادامنىڭ اليمەنتٸن تۋعان-تۋىستارى تٶلەپ جاتىر. سوت ورىنداۋشىلار حابارسىز كەتكەن ەر ادامنىڭ باۋىرىنىڭ كٶلٸگٸن تەركٸلەگەن, دەپ حابارلايدى "ۇلت اقپارات".
سوت ورىنداۋشىلار نۇر-سۇلتان قالاسىندا 2002 جىلعى جاس جٸگٸتتٸڭ – قارىز يەسٸنٸڭ باۋىرىنىڭ Lexus ES300 كٶلٸگٸن تەركٸلەدٸ. اۆتوكٶلٸكتٸ تەركٸلەۋ بارىسىندا ٸزدەۋدە جٷرگەن ەر ادامنىڭ تۋىستارى ونىڭ قارىزىن بۇرىنعى كەلٸنٸنە تٶلەپ جاتقانى انىقتالعان.
سول ٷيدٸڭ كەلٸنٸ اۆتوكٶلٸكتٸڭ تەركٸلەنٸپ جاتقانىن ەستٸپ, قارىز يەسٸنٸڭ اتا-اناسىنا كەلٸپ, اليمەنتتٸڭ تٶلەنگەنٸ تۋرالى ٶتٸنٸم جازدى.
الداعى ۋاقىتتا ۇلىنىڭ قارىزىن ەكە-شەشەسٸ جاباتىن بولدى.
«كٶلٸكتٸ تەركٸلەگەننەن كەيٸن ەكٸ كٷننەن سوڭ سوت ورىنداۋشىلارى ونى قايتارىپ بەردٸ. انىقتالعانداي, قارىز يەسٸنٸڭ مەملەكەت الدىندا تاعى 7 مٸندەتتەمەسٸ بولعان. ونى دا تۋعان باۋىرى تٶلەپ جاتىر», - دەيدٸ نۇر-سۇلتان قالاسىنىڭ جەكە سوت ورىنداۋشىلار پالاتاسى باسشىسىنىڭ ورىنباسارى مادينا جاناساەۆا.
ٸزدەۋدە جٷرگەن ەر ادامنىڭ 2018 جىلدىڭ تامىزىنان بەرگٸ 1,5 ميلليون تەڭگە قارىزى ٶتەلگەن.
جالپى بۇل ادام ەكٸنشٸ رەت اجىراسقان. العاشقى نەكەسٸنەن - ٷش, ەكٸنشٸ نەكەسٸنەن - ەكٸ بالا قالعان.
