Astana politseileri tehnikalyq qyzmet kórsetý stantsiialarynyń birinen esirtki satýǵa bekingen kúdiktini ustady, dep habarlaidy "Ult aqparat".
Nur-Sultan qalasy Politsiia departamentiniń baspasóz qyzmeti 6 keli gashishti jasyryp ustaǵan 37 jastaǵy azamattyń ustalǵanyn habarlady.
«37 jastaǵy er adam jumys ornynda ustaldy. Kúdiktiden ósimdik kúiindegi esirtki zaty bar 7 polietilen paket tárkilendi. Keiin oǵan tiesili «Nissan» avtokóligin tintý kezinde taǵy 3 polietilen paket tabyldy. Saraptama qorytyndysy boiynsha tárkilengen gashishtiń jalpy salmaǵy 6 keli ekeni belgili boldy», - dedi vedomstvonyń baspasóz qyzmetinen.
Atalǵan fakti boiynsha Qylmystyq kodekstiń 297-baby 2-bóligimen qylmystyq is qozǵaldy. Ustalǵan azamat ýaqytsha ustaý izoliatoryna qamaýǵa alynǵan. Saqshylar esirtkini jetkizý arnasyn anyqtap jatyr. Jyl basynan beri politseiler zańsyz ainalymnan 32 keliden astam esirtki zattaryn tárkilegen.
