Politsiia qyzmetkerleri jedel-izdestirý is-sharalaryn júrgizý kezinde buryn sottalǵan 32 jastaǵy elorda turǵynyn ustady, dep habarlaidy "Ult aqparat" Nur-Sultan qalasynyń Politsiia departamentiniń baspasóz qyzmetine silteme jasap.
Tergeý barysynda kúdiktińniń qonaq úi nómirinde tanysymen ishimdik ishkeni anyqtaldy. Túnde dosynyń uiyqtap qalǵanyn kútip, onyń saýsaq izin skanerlegen jáne telefondy buǵattan shyǵarǵan. Odan ári mobildi qosymshadan anasynyń banktik shotyna 130 myń teńge aýdardǵan. Jábirlenýshi kelesi kúni aqshasynyń joǵalǵanyn kórip, politsiiaǵa habarlasqan.
Qazir kúdikti urlyǵyn moiyndap, aqshany iesine qaitardy. Endi oǵan qylmystyq jaýapkershilik júkteledi, sotqa deiingi tergeý amaldary júrgizilýde.
Politsiia qyzmetkerleri azamattardy qyraǵy bolýǵa shaqyrady. Saq bolyńyzdar: uialy telefon men basqa da qundy zattardy qaraýsyz qaldyrmańyz. Aqshalai qarajatty eshkimniń qoly jetpeitin jerde saqtańyz. Eger siz qylmystyń qurbany bolsańyz, dereý politsiiaǵa habarlasyńyz nemese «102» nómirine qońyraý shalyńyz.
